21 March, 2011

DEEPLY DIVINE ‘HESED’ பாத்திரம் அறியாது கொட்டும் பேரன்பு



We are reflecting on the last verse of Psalm 23: “Surely goodness and mercy shall follow me all the days of my life…” My heart goes out to Japan which is still reeling under the complex problems of the earthquake, tsunami and atomic radiation. More than the earthquake and the tsunami, the atomic radiation must be haunting them very much, reviving memories of the atomic holocaust they suffered in 1945.
This catastrophe has been looked at from different angles, different perspectives. This is seen as an occasion to learn some lessons, especially about relying so much on atomic power. Already we have heard that China is re-thinking its rush to build many nuclear reactors. The tragic events make Japan, once again, a model in resilience and hard work. Many countries in the world believe that this country will rise with greater determination as it had done after Hiroshima-Nagasaki disaster. We pray that the hope-filled lines of Psalm 23, especially the line: “Surely goodness and mercy shall follow me all the days of my life…” give enough strength and hope to the people of Japan.

Different perspectives on Japan give us different emotions. As we have already mentioned, it is not the events themselves, but the perspective on the events that fills us with hope or despair. Talking of perspectives, I am reminded of one of the experiences I had a few years back. I was living with another very elderly Jesuit – over 90 years old – in a Jesuit Community. He was very sympathetic to the poor. He would give away money to anyone who came asking for help. Some would misuse his generosity and his lapse of memory and get money repeatedly. For instance, a lady would bring a child and ask for help to procure medicine and food for the child. Within an hour, another lady would bring the same child once again and ask for money. Once I spoke to this elderly Jesuit about how people were cheating him. I asked him point blank whether he was aware that he was getting cheated. His response was quite significant. He said: “Well, I know people cheat me. I am helping around 30 to 40 people daily. Even if many of them cheat me, I am sure that among them at least a few would truly be in need. Why would I deny help to these few people who are really in need just because of others who cheat me?” Different perspectives… I was bothered about those who were cheating the elderly Jesuit while he was bothered about those who were really in need. The sympathetic love of this priest is a reflection of ‘Hesed’ – the lovingkindness of God mentioned in the last verse of Psalm 23. Such was the kindness shown by the shepherd who left the 99 sheep in order to go in search of the one sheep that had strayed. Apparently illogical… deeply divine!

It would be helpful to reflect on the idea of ‘hesed’ (or chesed) found in Jewish thought:
In traditional musar literature (ethical literature), chesed is one of the primary virtues. The tannaic rabbi Simon the Just taught: "The world rests upon three things: Torah, service to God, and bestowing kindness (chesed)" Chesed is here the core ethical virtue…
Chesed is closely linked in tradition with compassion. Lack of compassion marks a people as cruel. The repeated injunctions of the Law and the Prophets that the widow, the orphan and the stranger should be protected show how deeply, it is argued, the feeling of compassion was rooted in the hearts of the righteous in ancient Israel.
http://en.wikipedia.org/wiki/Chesed

For the people of Israel, the idea of showing compassion, especially showing compassion to a stranger, is not simply an obligation that comes from the law. It is a natural consequence of reliving what they have been. They have been strangers in Egypt. There are quite a few references to this injunction of showing compassion to strangers.

Exodus 22: 21-23
Do not mistreat or oppress a foreigner, for you were foreigners in Egypt. Do not take advantage of the widow or the fatherless. If you do and they cry out to me, I will certainly hear their cry.
Leviticus 19: 34
The foreigner residing among you must be treated as your native-born. Love them as yourself, for you were foreigners in Egypt. I am the LORD your God.
Deuteronomy 10: 18-19
He defends the cause of the fatherless and the widow, and loves the foreigner residing among you, giving them food and clothing. And you are to love those who are foreigners, for you yourselves were foreigners in Egypt.

Such thoughts do not seem to be prevalent these days between the Israel – Palestine countries. Let us be careful not to point accusatory fingers only towards them, since in most countries in the world people are divided and sub-divided as ‘strangers and foreigners’. The world is bursting with problems of refugees and ‘displaced’ people. We pray that true ‘hesed’ surrounds the whole world.

The closing thoughts on this line come, as usual, from Harold Kushner.
Is the psalmist’s confident prayer that ‘hesed’ will follow him all the days of his life an expression of hope that people will treat him mercifully…? Or is it a prayer that he will be blessed with the capacity to be merciful, to be forgiving, all the days of his life? Probably both…
When the psalmist speaks of “goodness and mercy following him all the days of his life,” I understand that as a vision of a world where goodness and mercy will characterize every stage of the lifespan, where adolescents will be merciful to one another instead of treating one another cruelly out of their own insecurity, a world where husbands and wives will bless each other with unearned love instead of “keeping score”, a world where the elderly will find contentment in the last chapters of their lives because people will treat them with respect and honour, “forgiving” them for the limitations that old age might impose on them…
When the psalmist writes “Surely goodness and mercy shall follow me…,” he is expressing confidence, born of all his experiences with God, that he will be blessed with God’s love, not because of who he is but because of who God is.

(Harold S. Kushner)

Dear Friends,
This homily was broadcast on Vatican Radio (Tamil Service). Kindly visit
http://www.vaticanradio.org/ and keep in touch. Thank you.


2004ம் ஆண்டு டிசம்பர் மாதம் ஆசியாவின் பல கடற்கரைப் பகுதிகளை அழித்த சுனாமியைப் போல், மார்ச் 11, வெள்ளியன்று மற்றுமொரு சுனாமி ஜப்பானைத் தாக்கியுள்ளது. சுனாமி என்ற வார்த்தையை உலகிற்கு அறிமுகம் செய்ததே ஜப்பானியர்கள்தாம். பல பயங்கர நிலநடுக்கங்களையும், சுனாமிகளையும், சந்தித்துள்ள அவர்களுக்கே இம்முறை நிகழ்ந்த நிலநடுக்கம், சுனாமி, இவைகளைத் தொடர்ந்து அணுசக்தி மின் நிலையங்களில் ஏற்பட்ட விபத்துக்கள் ஜப்பானியர்களை நிலைகுலையச் செய்துள்ளது.
இந்த நிகழ்வுகளைக் குறித்து வேறுபட்ட, முற்றிலும் மாறுபட்ட கருத்துக்களை நாம் கேட்டு வருகிறோம். இரண்டாம் உலகப் போருக்குப் பின், அமைதிக்கும் உலக வளர்ச்சிக்கும் எடுத்துக்காட்டாய் விளங்கும் ஜப்பான் மக்களுக்கு ஏன் இந்தக் கொடுமை? என்று கேள்வியை எழுப்புகிறோம்.
உலகின் முதல் தர நாடுகளில் ஒன்றான ஜப்பானுக்கே இந்த நிலை என்றால், உலகில் பல நாடுகளுக்கு இது ஒரு பாடம். அதிலும் அணு சக்தியை அதிகமாய் நம்பி வாழும் பல வளரும் நாடுகளுக்குத் தரப்பட்டுள்ள ஓர் எச்சரிக்கை இது என்பதும் நாம் கேட்கும் ஒரு கருத்து.
சாம்பலில் இருந்து எழுந்துவந்த Phoenix பறவையைப் போல் உலகப் போருக்குப் பின் உழைப்பால் உயர்ந்த ஜப்பானியர்கள், இந்த இயற்கைப் பேரிடருக்குப் பின்னும் காட்டும் பொறுமை, மேற்கொண்டுள்ள முயற்சிகள் உலகை வியப்படைய வைத்துள்ளது. அம்மக்களிடம் இருந்து உலக மக்கள் கற்றுக் கொள்ளக்கூடிய பல பாடங்கள் உள்ளன என்பதும் நாம் பேசி வரும் ஒரு கருத்து.

நிகழ்ந்தது ஒன்று. அதைக் காணும் கண்ணோட்டம், அதிலிருந்து பிறக்கும் கருத்துக்கள் பல. வாழ்வில் நடப்பவைகளைப் பற்றிய நம் கண்ணோட்டமே நம் மனதை உறுதியாய் நிற்க வைக்கும், அல்லது, நம்பிக்கையிழந்து நொறுங்கிப் போகச் செய்யும். திருப்பாடல் 23 நமக்குச் சொல்லித் தருவதும் நம்பிக்கையை வளர்க்கும் ஒரு கண்ணோட்டமே. உலகில் துன்பங்கள் படைதிரண்டு வந்தாலும், இறைவனின் அருள் நலமும், பேரன்பும் நம்மைப் புடைசூழ்ந்து வரும் என்பதைத் திருப்பாடல் ஆசிரியர் கூறுகிறார். நாம் சிந்தித்து வரும் திருப்பாடல் 23 முழுவதும், சிறப்பாக, இப்போது நாம் சிந்திக்கும் ஆறாம் திருவசனம் தொடர்ந்து துன்பங்களைச் சந்தித்து வரும் ஜப்பான் மக்களுக்கு நம்பிக்கையூட்ட வேண்டும் என்ற வேண்டுதலுடன் நம் தேடலை இன்று ஆரம்பிப்போம்.

கண்ணோட்டங்களைப் பற்றிப் பேசும்போது, என் சொந்த அனுபவம் ஒன்றை உங்களுடன் பகிர்ந்து கொள்ள விழைகிறேன். சில ஆண்டுகளுக்கு முன் நான் வாழ்ந்து வந்த இயேசு சபைத் துறவிகள் இல்லத்தில் 90 வயதைத் தாண்டிய ஒரு குருவும் வாழ்ந்து வந்தார். ஏழைகளைக் கண்டதும் மனமிரங்கி, தன்னிடம் உள்ள பணத்தைத் தர்மம் செய்வது அவர் வழக்கம். அவரது இரக்கக் குணத்தைப் பயன்படுத்தி, ஞாபகச் சக்தி குறைந்த அவரது வயதைப் பயன்படுத்தி, ஒரு சிலர் அவரை ஏமாற்றவும் செய்தனர். குழந்தையொன்றைத் தூக்கி வந்து, அக்குழந்தைக்கு உணவும், மருந்தும் வாங்கப் பணமில்லை என்று சொல்லி ஒரு தாய் அவரிடம் பணம் பெறுவார். அரைமணி நேரம் கழித்து, இன்னொரு பெண் அதேக் குழந்தையைத் தூக்கி வந்து உணவுக்கும், மருந்துக்கும் பணம் பெறுவார். இப்படி வயது முதிர்ந்த அந்த குருவை ஏமாற்றிப் பணம் பெறுபவர்களைப் பற்றி ஒருநாள் நான் அவரிடம் பேசினேன்: "சாமி, பல ஏழைகளுக்கு நீங்க உதவிகள் செய்றீங்க... நல்லதுதான்... ஆனா, நீங்க செய்ற உதவி உணமையிலேயே தேவையில இருக்கிறவங்களுக்குப் போய் சேருதான்னு பாக்க வேண்டாமா? பல பேரு உங்கள ஏமாத்தி பணம் வாங்கிட்டுப் போறாங்களே, அது உங்களுக்குத் தெரியுமா?" என்று கேட்டேன்.
அதற்கு அவர் சொன்ன பதில் என் மனதில் ஆழமாய்ப் பதிந்தது. இன்று நினைவுக்கு வருகிறது. "ஒரு நாளைக்கு சுமார் 30 பேருக்கு நான் உதவிகள் செய்றேன். அதுல ஒருத்தர் ரெண்டு பேராவது உண்மையிலேயே தேவை உள்ளவங்களா இருப்பாங்க. எமாத்றவங்கள என்ன செய்யமுடியும்? அவுங்களுக்காகப் பயந்து, உணமையிலேயேத் தேவை உள்ளவங்களுக்கு எப்படி உதவாம இருக்க முடியும்?" என்று அவர் என்னிடம் மறு கேள்வி கேட்டார். ஏமாற்றுகிறவர்களை மட்டும் எண்ணிப்பார்த்தது என் கண்ணோட்டம்; தேவையில் இருப்பவர்களை மட்டும் எண்ணிப் பார்த்தது அவரது கண்ணோட்டம்.

"பாத்திரம் அறிந்து பிச்சையிட வேண்டும்." "ஆற்றில் கொட்டினாலும், அளந்து கொட்ட வேண்டும்." என்ற பழமொழிகள் இந்த 90 வயது குரு ஏற்றுக்கொள்ள மறுக்கும் பழமொழிகள். உண்மைத் தேவையில் இருக்கும் ஒருவருக்கு உதவிகள் செய்வதற்காக, பலரிடம் ஏமாந்து போனாலும் பரவாயில்லை என்று சிந்திக்கும் இந்த குரு கடவுளின் Hesed என்ற பேரன்புக்கு ஒரு சின்ன எடுத்துக்காட்டு. தகுதி, தரம் பாராமல் தரப்படும் Hesed என்ற அன்பு பைத்தியக்காரத்தனமான அன்பாகத் தெரியும். தவறிப்போன ஓர் ஆட்டைத் தேடி, மற்ற 99 ஆடுகளை விட்டுச் செல்லும் ஆயன், எல்லாவற்றையும் தொலைத்துவிட்டு மீண்டும் வந்த மகனிடம் எந்தக் கேள்வியும் கேட்காமல் விருந்து கொடுக்கும் தந்தை ஆகிய உவமைகள் இந்தப் பைத்தியக்காரத்தனமான அன்புக்கு எடுத்துக்காட்டாக இயேசு கூறும் உவமைகள்.
தகுதி, தரம் இவைகளைப் பார்க்காமல் தாராளமாய் நம்மை வந்து சூழ்ந்துகொள்ளும் பேரன்பைப் பற்றி திருப்பாடல் 23ன் ஆசிரியர் கூறியுள்ள இறுதி வரியில் நம் தேடலைத் தொடர்கிறோம்.

பல்வேறு பெயர்களால் நாம் கடவுளை அழைத்தாலும், கடவுள் ஒருவரே என்று சொல்கிறோம். அதேபோல், அன்பு, கனிவு, கருணை, காதல், பரிவு, பாசம் என்று நாம் பயன்படுத்தும் பல்வேறு சொற்கள் ஒரே உண்மையின், ஒரே உணர்வின் பல்வேறு முகங்கள். இந்தப் புனித உணர்வைச் சொல்ல தமிழில் பல வார்த்தைகள் இருப்பது போல், எபிரேய மொழியில் பல வார்த்தைகள் உண்டு. இந்த உணர்வுகளின் ஓர் ஒட்டமொத்த வார்த்தையாக Hesed பயன்படுத்தப்படுகிறது. Hesed என்ற வார்த்தைக்கு இஸ்ரயேல் மக்கள் மத்தியில் நிலவி வந்த எண்ணங்களைப் புரிந்து கொள்வது நமக்குப் பயனளிக்கும்.

Hesed என்பது இஸ்ரயேல் மக்கள் வாழ்வின் அடிப்படை நியதி. அவர்களைப் பொறுத்தவரை இந்த உலகம் மூன்று தூண்களால் தாங்கப்பட்டுள்ளது. Torah என்று அழைக்கப்படும் இறைச் சட்டங்கள் முதல் தூண். இறைவனுக்குப் புரியும் பணிகள் இரண்டாவது தூண். அன்பு காட்டுவது மூன்றாவது தூண்.

இஸ்ரயேல் மக்களின் பாரம்பரியத்தில் ஆழமாய் ஊறிய ஓர் எண்ணம்... ஓர் உணர்வு... கருணை, பரிவு. இறைச் சட்டங்களும், இறைவாக்கினர்களும் மீண்டும் மீண்டும் இந்த உண்மையை வலியுறுத்தி வந்துள்ளனர். அதிலும் சிறப்பாக, சமுதாயத்தில் மிகவும் நலிந்த மக்களான, ஏழைகள், அனாதைகள், விதவைகள், அந்நிய நாட்டவர் மீது தனிப்பட்ட பரிவு காட்ட வேண்டும் என்பதை மீண்டும் மீண்டும் விவிலியம் சொல்கிறது.
இந்தக் கருணை, பரிவு வெறும் கடமைக்காகச் செய்யப்படுவதல்ல, மாறாக, தங்கள் வாழ்வின் அனுபவத்திலிருந்து கற்றுக் கொண்ட ஒரு பாடமாக இஸ்ராயலர்களின் கருணை அமைய வேண்டும். எடுத்துக்காட்டாக, அந்நிய நாட்டவர் மீது இஸ்ரயேல் மக்கள் பரிவு காட்ட காரணமாய்ச் சொல்லப்படுவது என்ன?... ஒரு காலத்தில் அவர்களும் வேற்று நாட்டில் அன்னியராய் இருந்தனர் என்ற உண்மை. இதை வலியுறுத்தும் பல பகுதிகளை விவிலியத்தில் வாசிக்கிறோம். இதோ ஒரு சில எடுத்துக்காட்டுக்கள்:

விடுதலைப்பயணம் 22: 21-23
அன்னியனுக்கு நீ தொல்லை கொடுக்காதே! அவனைக் கொடுமைப்படுத்தாதே. ஏனெனில் எகிப்து நாட்டில் நீங்களும் அன்னியராயிருந்தீர்கள். விதவை, அனாதை யாருக்கும் நீ தீங்கிழைக்காதே. நீ அவர்களுக்குக் கடுமையாகத் தீங்கிழைத்து அவர்கள் என்னை நோக்கி அழுது முறையிட்டால், நான் அவர்கள் அழுகுரலுக்குச் செவிசாய்ப்பேன்.

லேவியர் 19: 34
உங்களிடம் தங்கும் அன்னியர் உங்கள் நாட்டில் பிறந்தவரைப் போல் இருக்க வேண்டும். உங்கள் மீது நீங்கள் அன்புகூர்வதுபோல் அவர் மீதும் அன்புகூருங்கள். ஏனெனில், எகிப்தில் நீங்களும் அன்னியர்களாய் இருந்தீர்கள்: நானே உங்கள் கடவுளாகிய ஆண்டவர்!

இணைச்சட்டம் 10: 18-19
அனாதைகளுக்கும் கைம்பெண்களுக்கும் நீதி வழங்குபவர் அவரே. அன்னியர்மேல் அன்புகூர்ந்து அவர்களுக்கு உணவும் உடையும் கொடுப்பவர் அவரே.19 அன்னியருக்கு அன்பு காட்டுங்கள்: ஏனெனில் எகிப்தில் நீங்களும் அன்னியராய் இருந்தீர்கள்.

நாம் வாழ்ந்து வரும் இக்காலத்தில் இஸ்ரயேல், பாலஸ்தீன நாடுகளுக்கிடையே இந்தப் பரிவும், கனிவும் வெகுவாகக் குறைந்துள்ளது என்பது நாம் கண்டு வரும் எதார்த்தம். அவர்களை மட்டும் குற்றவிரல் கொண்டு சுட்டிக்காட்ட வேண்டாம். சொந்த நாட்டுக்குள் அன்னியராய், அகதிகளாய் வாழும் மக்கள் உலகின் பல நாடுகளில் அதிகமாகி வருவதையும், மதம், மொழி, நிறம், குலம் என்று மனித குலத்தை பலநூறு பிரிவுகளாக்கி, அன்னியரை அநியாயமாய் நடத்தும் போக்கு அதிகரித்து வருவதையும் வேதனையோடு இப்போது நினைத்துப் பார்ப்போம். Hesed பற்றி எண்ணும்போது, மனித குலத்தில் பிரிவுகள் எல்லாம் மறைந்து, பரிவு வளர வேண்டுமென செபிப்போம்.

“உண்மையாகவே, என் வாழ்நாள் எல்லாம் உம் அருள் நலமும் பேரன்பும் எனைப் புடைசூழ்ந்துவரும்” என்ற இவ்வரியை மற்றொரு கோணத்தில் பார்க்கும்படி நம்மை Harold Kushner தூண்டுகிறார்.

அருள் நலமும், பேரன்பும் வாழ்நாளெல்லாம் நம்மைப் புடைசூழ்ந்து வந்தால், உலகம் எப்படிப்பட்டதாய் இருக்கும் என்ற அற்புதமான கற்பனையை Kushner நம் கண் முன் கொண்டு வருகிறார். அந்தக் கற்பனையை நமதாக்குவோம். நம் செபமாக்குவோம்.
அந்த உலகில்... இளமைப் பருவத்தில் அடியெடுத்துவைக்கும் இளையோர் பாதுகாப்பற்ற உணர்வில் தவிக்க மாட்டார்கள். மற்றவர்களை எப்போதும் சந்தேகமாய்ப் பார்த்து அவர்களையும் பாதுகாப்பற்ற நிலைக்கு உட்படுத்தாமல், அனைவரையும் கனிவோடு கருணையோடு நடத்துவார்கள்.
அந்த உலகில்... கணவனும், மனைவியும் தங்களுக்கு ஏற்பட்டக் காயங்களை மட்டும் கணக்குப் பார்த்து, மனத்தைக் கடினமாக்கிக்கொள்ளாமல், தங்கள் வாழ்க்கைத் துணையைக் கனிவோடு நடத்துவார்கள்.
அந்த உலகில்... வயது முதிர்ந்தவர்கள் நாளை எப்படி விடியப் போகிறதோ என்ற கவலையோடு உறங்கப் போகாமல், இனி தங்கள் வாழ்நாளெல்லாம் தன்னைச் சுற்றியுள்ளவர்களின் கனிவால் எல்லாமே நலமாக அமையும் என்ற நம்பிக்கையுடன் கண் அயர்வார்கள்.
அந்த அழகான உலகில் இயற்கையிலும் வாழ்விலும் ஏற்படும் சுனாமிகளை நாம் மனதளவிலாவது சமாளிக்க முடியும்.
அந்த அழகான உலகை நாம் உருவாக்கி, அனைவரையும் வாழ வைக்கும் வரம் வேண்டுவோம்.

இந்த நிகழ்ச்சியை வத்திக்கான் வானொலியின் தமிழ் ஒலிபரப்பில் கேட்டுப் பயன் பெறவும், உங்கள் கருத்துக்களைக் கூறவும் அழைக்கிறேன். வத்திக்கான் வானொலியின் இணையதள முகவரி:
http://www.vaticanradio.org/

13 March, 2011

The Logic of Temptations அறிவுப்பூர்வமான சோதனைகள்




Once upon a time a certain mother was tempted to quit – quit her job, quit her family, quit her parish, quit everything. When the parish priest suggested she read about the temptation of Jesus, she said that she had already and that all the demands which were made on her, presumably with God’s approval and even connivance, were about the same as being asked to jump off the parapet of the temple. How was she supposed to do everything in the family – bring in money, cook the meals, clean the house, worry about the kids, help with the home work, keep an eye on the TV the kids were watching – when no one else seemed worried about these things? She loved her job and she loved her family, but she was tired and all she wanted to do was quit. Well, said the parish priest, why not go on strike. The woman thought about that and decided she would.
She contracted a case of blue flu – too sick to go to her job, too sick to take care of the house, too sick to help with homework, too sick to worry about the kids, too sick to do anything but lie in bed and watch TV. The doctor was summoned and suggested that she needed a long rest. You know what happened then? The mother found that it was all BORING. The daytime soaps were particularly BORING! So she improved rapidly, especially when everyone promised that they would help (which they did, but often just made the mother’s task more complicated). Temptations, said the mother, look a lot better before you give into them than afterwards.

(Homily from Father Andrew M. Greeley - http://www.agreeley.com/homilies.html)

Temptations come in different shapes and sizes… mostly very attractive. Only after they take root in our lives do they show their true colours. Every year, the First Sunday of Lent invites us to think about temptations. Today’s first reading talks of the temptation faced by our first parents. (Genesis 2: 7-9; 3: 1-7) The Gospel talks of temptations faced by Jesus. (Matthew 4: 1-11) EVERY human being was, is, and will be tempted. No exceptions. Not even Jesus.

All the three synoptic gospels talk of this experience of Jesus. Scripture scholars say that when an event is reported in all the four gospels or in the three synoptic gospels, then it must have been a significant event in the life of Christ. The temptation-event in the life of Jesus is different from the other events. While there were quite a few witnesses to the other events, Jesus was the only eyewitness to this event. Why did Jesus, who shunned all publicity, tell His disciples about this experience he had alone in the desert? Perhaps He wanted us to learn quite a few lessons from this most common of all human experiences.

The first lesson is given in the words of the mother in the story we have just read. Temptations look a lot better before you give into them than afterwards. The façade of temptations is more attractive. I am sure many of us have seen the Life of Christ enacted on stage. In almost all these stage plays, the scene of the devil tempting Jesus is a must. It would be a dramatic scene with the devil usually clothed in black, with the face painted also in black, with protruding teeth, with two horns and with a loud, scary voice entering the stage. If Satan comes in this fashion, then all of us would flee the scene of drive away this horrible creature from our sight. All of us know that Satan comes clothed in light… And no wonder, for Satan himself masquerades as an angel of light. (II Cor. 11:14)

All the three temptations that Jesus faced were ‘good’ temptations, very logical. This is the second lesson we need to learn about temptations – that they are very logical. Jesus was hungry; therefore He was asked to turn the stones into bread. Jesus wanted to begin his public ministry; therefore He was asked to begin his ministry with a bang… by jumping off the pinnacle of the Temple. Jesus wanted to gain the whole world for His Father; therefore He was asked to make compromises with the devil. All the three ‘therefore’s sound very logical.

Satan also uses an opening salvo to ‘hook’ Jesus into doing his bidding. “If you are the Son of God, tell these stones to become bread.” “If you are the Son of God, throw yourself down.” On the one hand this looks like a childish challenge. Kids throw such challenges at one another “Hey, Tom, if you are so brave, why don’t you climb this tree? Why don’t you do this… and why don’t you do that? etc. But, a closer analysis of these ‘childish challenges’ also gives us a clue that the Satan was trying to define what the Son of God must be like. If Jesus was the Son of God, He must use His powers to gratify himself, to make a spectacular entry into human history, to make compromises with evil forces even to the point of total surrender to them… In short, this is a short cut… a path of least resistance… an unholy compromise.

Jesus tries to respond to these challenges in his own style. He rewrites the definition of the Son of God. According to Jesus, if someone uses his / her special powers to satiate one’s own needs or to seek popularity, he or she is a magician and not the Son of God. Jesus, who refused to satiate his own hunger in the desert, used his special powers to feed thousands in a remote place similar to the desert. Jesus, who refused to surrender to the Satan with a strong rebuttal: “Away from me, Satan!”, was willing to surrender to the Father while He was in his most vulnerable moment on the Cross. These are some of the lessons Jesus tries to teach us about temptations. Are we listening? Lenten season is a good time to learn from the desert-school of Jesus.

Here is a conversation between Calvin and Hobbes that serves as a wake-up call. "Do you believe in the devil? You know, a supreme evil being dedicated to the temptation, corruption, and destruction of man?" "I'm not sure that man needs the help."

Dear Friends,
This homily was broadcast on Vatican Radio (Tamil Service). Kindly visit
www.vaticanradio.org and keep in touch. Thank you.

இல்லத்தலைவி ஒருவர் தன் பங்குத்தந்தையைச் சந்திக்கச் சென்றார். தன் மனதில் இருந்த குழப்பத்தையெல்லாம் அவரிடம் கொட்டினார்: "சாமி, எல்லாத்தையும் விட்டுட்டு, எங்கேயாவது, கண்காணாத இடத்துக்கு போயிடணும் போல இருக்கு." என்று அவர் ஆரம்பித்தார். வீட்டு வேலை, அலுவலக வேலை, பங்குக்கோவில் வேலை என்று அனைத்தையும் விட்டுவிட அவர் நினைத்தார். பங்குத்தந்தை பலவிதமான ஆலோசனைகள் தந்தார். எதுவும் அந்த இல்லத்தலைவிக்குத் திருப்தி அளிக்கவில்லை. இறுதியாக, "எல்லாவற்றையும் விட்டுவிடுவதற்குப் பதில், ஒரு வாரத்திற்கு 'strike' வேலை நிறுத்தம் செய்யுங்கள்." என்று பங்குத்தந்தை சொன்ன ஆலோசனையை ஏற்றுக் கொண்டார் இல்லத்தலைவி.
வீட்டுக்குச் சென்றவர் தனக்குத் தாங்க முடியாத வயிற்றுவலி என்று சொல்லிவிட்டு, படுத்துக்கொண்டார். அலுவலகத்திலிருந்தும் விடுமுறை எடுத்துக்கொண்டார். அவரது நிலையைக் கண்ட கணவனும், பிள்ளைகளும் அவர் மீது தனி கவனம் செலுத்த ஆரம்பித்தனர். வீட்டு வேலைகளை அனைவரும் பகிர்ந்து செய்தனர். இரண்டு நாட்கள் சென்றன. படுத்திருந்த வீட்டுத்தலைவிக்கு 'போர்' அடித்தது. தொலைக்காட்சியில் மீண்டும், மீண்டும் ஒரே மாதிரியான நிகழ்ச்சிகளைப் பார்த்து அலுத்துப் போனது. உதவி செய்வதாக கணவனும், பிள்ளைகளும் வேலைகள் செய்து விட்டுச் சென்றபின், சமையலறையைப் பார்த்த வீட்டுத்தலைவி பயந்து போனார். அவர்கள் செய்த வேலைகளை மீண்டும் சரி செய்ய இன்னும் பல நாட்கள் ஆகுமே என்று பயந்தார்.
ஒரு வாரம் வேலை நிறுத்தம் செய்யலாம் என்ற தீர்மானத்தில் இருந்தவர் இரண்டு நாட்களில் வேலைநிறுத்தத்தை முடித்தார். மீண்டும் தன் பணிகளை ஆரம்பித்தார். மூன்றாம் நாள் அவரைக் காண பங்குத்தந்தை வந்தபோது, அவர் வீட்டு வேலைகளை மும்முரமாய் செய்து கொண்டிருந்தார். பங்குத்தந்தையைக் கண்டதும் வீட்டுத் தலைவி, "சாமி, எந்த ஒரு சோதனையும் வரும்போது அழகாகத்தான் இருக்கு. சோதனைக்கு இடம் கொடுத்த பிறகுதான் அதனுடைய உண்மை உருவம் தெரியுது." என்று அவர் தான் பெற்ற ஞானோதயத்தை, அறிவொளியைப் பங்குத் தந்தையிடம் பகிர்ந்து கொண்டார்.
நம் எல்லாருக்கும் இந்த அனுபவம் இருந்திருக்கும். சோதனைகள் நம்மை அணுகும்போது அழகாக, நம்மை ஈர்க்கும் வகையில் இருக்கும்... நம் மனதில் வந்து குடியேறிய பின் கதையே வேறுவிதமாய் மாறும். எந்த ஒரு சோதனைக்கும் முகம் அழகாக இருக்கும், முதுகு அழுக்காக, அருவருப்பாக இருக்கும். சோதனைகளைப் பற்றி நாம் இன்னும் சிறிது அறிவொளி பெற இந்த ஞாயிறு நமக்கு ஒரு வாய்ப்பைத் தருகிறது.

ஒவ்வோர் ஆண்டும் தவக்காலத்தின் முதல் ஞாயிறன்று சோதனைகளைப் பற்றி சிந்திக்க நமக்கு ஓர் அழைப்பு தரப்படுகிறது. இன்றைய முதல் வாசகம் நமது முதல் பெற்றோர் சந்தித்த சோதனையையும், நற்செய்தி இயேசு சந்தித்த சோதனையையும் சொல்கின்றன. சோதனை என்பது மனிதராய்ப் பிறந்த அனைவரும் சந்திக்கும் ஓர் அனுபவம். இதற்கு யாரும் விதிவிலக்கு அல்ல. எந்த ஒரு சூழலிலும் சோதனைகள் வரும். இறைவனின் புனிதமான சன்னதியிலும், இரைச்சல் நிறைந்த சந்தையிலும் சோதனைகள் வரும். கனிகள் பழுத்துத் தொங்கும் தோட்டத்திலும், மனித நடமாட்டமே இல்லாத பாலை நிலத்திலும் சோதனைகள் வரும் என்பதை இன்றைய வாசகங்கள் நமக்குச் சொல்கின்றன.

தன் பணி வாழ்வை ஆரம்பிப்பதற்கு முன், தந்தையாம் இறைவனைத் தனியே சந்திக்கச் சென்றிருந்த இயேசுவைச் சோதனையும் சந்தித்தது. இந்தச் சோதனைகளை இயேசு சந்தித்தார் என்பதற்கு ஒரே ஒரு சாட்சிதான் உண்டு. இயேசு மட்டுமே அந்த சாட்சி. தனிப்பட்ட வகையில் அவர் சந்தித்தச் சோதனைகளைப் பற்றி மத்தேயு, மாற்கு, லூக்கா ஆகிய மூன்று நற்செய்திகளும் கூறுகின்றன. சுய விளம்பரத்தைச் சுத்தமாக விரும்பாத இயேசு, தனக்குத் தனிப்பட்ட முறையில் நிகழ்ந்த இந்தச் சோதனைகளை ஏன் பிறரோடு பகிர்ந்து கொண்டார் என்ற கேள்வி எழுகிறது. தான் சந்தித்தச் சோதனைகள், அவற்றைத் தான் வென்ற வழிகள் இவைகளைப் பகிர்ந்து கொண்டால், மற்றவர்கள் பாடங்களைக் கற்றுக் கொள்ளலாமே என்ற எண்ணத்தில் இயேசு சீடர்களிடம் தன் அனுபவத்தைப் பகிர்ந்திருக்கலாம். இயேசுவின் இந்த அனுபவம் சொல்லித்தரும் பாடங்கள் என்ன?

சோதனைகள் அழகானவை என்பது முதல் பாடம். இயேசுவின் வாழ்க்கையைச் சித்தரிக்கும் நாடகங்களைப் பார்த்திருக்கேன். அந்த நாடகங்களில் எல்லாம் அவர் சோதிக்கப்பட்ட காட்சி கட்டாயம் இருக்கும். அந்தக் காட்சிகளில் சாத்தான் கருப்பு உடையுடன், முகமெல்லாம் கரி பூசி, தலையில் இரு கொம்புகள் வைத்து, நீண்ட இரு பற்களோடு பயங்கரமாய் சிரித்துக் கொண்டு வரும். சிறு வயதில் பல முறை நான் அந்தக் காட்சியைப் பார்த்து பயந்திருக்கிறேன். இவ்வளவு பயங்கரமாய் சாத்தான் வந்தால், அதை விட்டு ஓடிவிடுவோம், அல்லது அதை விரட்டி அடிப்போம். ஆனால், வாழ்வில் நாம் சந்தித்துள்ள, இனியும் சந்திக்க இருக்கும் சாத்தான்களும், அவை கொண்டு வரும் சோதனைகளும் பயத்தில் நம்மை விரட்டுவதற்கு பதில், அன்போடு நம் பக்கத்தில் வந்து அமர்ந்து கொள்கின்றன என்பதுதானே நம் அனுபவம். சோதனைகளும், சாத்தான்களும் அவ்வளவு அழகானவை.

மேலோட்டமாகப் பார்த்தால், இன்று நற்செய்தியில் சொல்லப்பட்டுள்ள மூன்று சோதனைகளும் நல்ல சோதனைகள். கொலை, கொள்ளை, ஏமாற்றுதல் என்று தவறான செயல்களைச் செய்யச் சொல்லி சாத்தான் இயேசுவைத் தூண்டவில்லை.

இயேசு சந்தித்த முதல் சோதனை என்ன? பசியாய் இருந்த இயேசுவிடம் கல்லை அப்பமாய் மாற்றச் சொன்னது அலகை. இயேசுவிடம் இருந்த சக்தியைப் பயன்படுத்தி அவரது தேவையைப் பூர்த்தி செய்துகொள்ளத் தூண்டியது சாத்தான். நேரம் அறிந்து, தேவை உணர்ந்து வந்த ஒரு சோதனை. தேவைகள் அதிகமாகும்போது, அந்தத் தேவைகளை உடனேயே தீர்த்துவிடத் துடிக்கும்போது குறுக்கு வழிகளில் செல்லும் சோதனைகள் அதிகமாகின்றன.

இயேசு சந்தித்த இரண்டாவது சோதனை என்ன? உலகை வெல்வதற்கு, உலகை மீட்பதற்கு எந்தத் தொந்தரவும், துன்பமும் இல்லாத குறுக்கு வழியொன்றை அலகை இயேசுவுக்குக் காட்டுகிறது. எருசலேம் தேவாலயத்தின் மேலிருந்து இயேசு குதிக்க வேண்டும். அப்படி குதித்தால், உடனே வானங்கள் திறந்து, விண்ணவர் ஆயிரமாய் இறங்கி வந்து, இயேசுவின் பாதம் தரையைத் தொடாமல் அவரைத் தாங்கிய வண்ணம் தரைக்குக் கொண்டு வருவார்கள். உலக முடிவில் அவர் மாட்சியுடன் வருவதற்கு ஓர் ஒத்திகைபோல இது அமையும். எருசலேம் மக்கள், ஏன்... உலக மக்கள் அனைவரும் இயேசுவின் சீடர்களாகிவிடுவர்.

30 ஆண்டுகள் மறைந்த வாழ்வு, 3 ஆண்டுகள் கடினமான பணி, இறுதி 3 நாட்கள் கடும் வேதனை, இறுதி 3 மணி நேரங்கள் சிலுவையின் கொடூரச் சித்ரவதை... இவை எதுவும் இயேசுவுக்குத் தேவையில்லை. ஒரு சில நிமிடங்கள் போதும். எருசலேம் தேவாலய சாகசம் ஒன்று போதும். உலகம் இயேசுவின் காலடியில் கிடக்கும். சுருக்கமான வழி... எளிதான முயற்சி... எக்கச்சக்கமான வெற்றி. தமிழ் நாட்டில் தேர்தல் நெருங்கி வருகிறது. இந்தச் சோதனையின் பல எதிரொலிகள் கேட்கப்போகின்றன.

இவ்விரு சோதனைகளிலும் சாத்தான் சோதனையை ஆரம்பித்த விதமே அழகான வரிகள். "நீர் இறைமகன் என்றால், இந்தக் கற்கள் அப்பமாகும்படி கட்டளையிடும்." "நீர் இறைமகன் என்றால், கீழே குதியும்." சிறுவர்கள் விளையாடும் போது, இது போன்ற சவால்கள் எழும். "நீ வீரனாய் இருந்தா... இந்தப் பூச்சியைப் பிடிச்சிடு, அந்த மரத்துல ஏறிடு..." போன்ற சவால்கள். சவால்களைச் சந்திக்காவிட்டால், அந்தச் சிறுவன் வீரன் அல்ல என்பது நிரூபிக்கப்பட்டு விடும். இதற்கு பயந்து, வீர சாகசங்கள் செய்து அடிபட்டுத் திரும்பும் குழந்தைகளைப் பார்த்திருக்கிறோம்.

இயேசுவிடம் இப்படி ஒரு சவாலை முன் வைக்கிறது சாத்தான். "நீர் இறை மகன் என்றால்..." என்று சாத்தான் சொல்வதைக் கேட்கும்போது, மற்றொரு ஆழமான எண்ணமும் எழுகிறது. இறைமகன் எப்படிப்பட்டவராய் இருக்க வேண்டும் என்பதைச் சொல்லாமல் சொல்கிறது சாத்தான். இறைமகனுக்கு சாத்தான் இலக்கணம் எழுதுகிறது. இந்த இலக்கணத்தின்படி, இறைமகன் புதுமைகள் நிகழ்த்த வேண்டும், அதுவும் தன்னுடைய சுயத் தேவைகளை நிறைவு செய்ய, தன்னை விளம்பரப்படுத்திக்கொள்ள புதுமை செய்ய வேண்டும்.

தன் சக்தியை நிலை நாட்ட புதுமைகள் செய்பவர்கள் வித்தைகள் காட்டும் மந்திரவாதிகளாய் இருக்க முடியுமே தவிர, இறைவனாகவோ, இறைமகனாகவோ இருக்க முடியாது. தன் சுய தேவைகளுக்கு, சுய விளம்பரத்திற்குப் புதுமைகள் செய்வது புதுமைகள் செய்யும் சக்தியை அழுக்காக்கும், அர்த்தமில்லாததாய் ஆக்கும்.

இயேசு சாத்தானுக்குச் சொன்ன பதிலில் பாடங்கள் பல உண்டு. இயேசு தன் உடல் பசியை விட, ஆன்ம பசி தீர்க்கும் இறைவார்த்தை என்ற உணவைப் பற்றி பேசினார். “மனிதர் அப்பத்தினால் மட்டும் வாழ்வதில்லை” என்று இணைச்சட்ட நூலில் மோசே சொன்ன வார்த்தைகளைக் கூறுகிறார். (இணை. 8:3) தன் சொந்த பசியைத் தீர்த்துக் கொள்ள மறுத்த இயேசு, பல்லாயிரம் பேரின் பசியைத் தீர்க்க தன் சக்தியைப் பயன்படுத்தினார் என்பது நமக்குத் தெரியும். நமக்கு இறைவன் கொடுத்துள்ள சக்திகளை, திறமைகளை எதற்காகப் பயன்படுத்துகிறோம்? சுயத்தேவைகளை நிறைவு செய்வதற்காகவா? சிந்திக்கலாம்... இயேசுவிடம் பாடம் கற்றுக் கொள்ளலாம்.

இரண்டாவது சோதனையில் ஒரு கூடுதல் சிந்தனை உண்டு. திருப்பாடல் 91: 11-12 என்ற பகுதியை, இறை வார்த்தையைப் பயன்படுத்தி அலகை ஆலோசனை வழங்குகிறது. சாத்தானுக்கு வேதம், விவிலியம் தெரிந்திருப்பதில் ஆச்சரியம் இல்லை. "சாத்தானும் வேதம் ஓதும்" (Even the devil can quote the Bible) என்ற பழமொழி உண்டு. வேதங்கள், வேதநூல்கள் உட்பட நல்லவைகள் பலவும் பொல்லாத இடங்களில், பொல்லாத காரணங்களுக்குப் பயன்படுத்தப்படுவது வேதனைக்குரிய ஓர் உண்மை. உண்மை, நீதி இவை அடிக்கடி விலை பேசப்படும் நமது நீதி மன்றங்களில் விவிலியத்தின் மீது அல்லது பிற வேத நூல்களின் மீது சத்தியப் பிரமாணங்கள் கொடுக்கப்படுகின்றன. வேதனை மேல் வேதனை... போதுமடா சாமி.

மூன்றாவது சோதனையில் உலகமனைத்தையும் இயேசுவிடம் ஒப்படைக்க விரும்புவதாக அலகை சொல்கிறது. உலகத்தைத் தன் வசமாக்கத்தானே இயேசு மனு உருவானார்? இப்படி ஒரு சந்தர்ப்பம் வரும்போது, ஏற்றுக் கொள்ள வேண்டியது தானே! அப்படி இயேசு உலகை தன் மயமாக்க வேண்டுமானால், அவர் ஒரு 'அட்ஜஸ்ட்மென்ட்' செய்ய வேண்டும். சாத்தானோடு சமரசம் செய்ய வேண்டும்... இல்லை, இல்லை, சாத்தானிடம் சரணடைய வேண்டும். இயேசு அதை திட்டவட்டமாக மறுத்தார். விளையாடியது போதும் என்று இயேசு சாத்தானை விரட்டி அடித்தார். சாத்தான் முன் சரணடைய மறுத்த இயேசு, சிலுவையில் தொங்கியபோது, "தந்தையே, உமது கைகளில் என் ஆன்மாவை ஒப்படைக்கிறேன்" என்று இறைவனிடம் சரணடைந்தார்... உலகைத் தன் வசமாக்கினார்.
தவறான வழிகள், தவறான சக்திகளுடன் எத்தனை முறை சமரசம் செய்திருக்கிறோம்? எத்தனை முறை இவைகள் முன் சரணடைந்திருக்கிறோம்? நல்லது ஒன்று நடக்க வேண்டுமென்று தீமைகளைச் சகித்துக் கொள்வதும், தீமைகள் நடக்கும் போது கண்களை மூடிக் கொள்வதும்... இப்படி நடப்பதற்குக் காரணம், ஊரோடு ஒத்து வாழ்தல் என்று உபதேசம் செய்வதும்... நாம் வாழ்க்கையில் அடிக்கடி, பார்த்து, பழகி வந்துள்ள எதார்த்தங்கள். இப்படி சமரசம் செய்வதே நம் வாழ்க்கையாகி விட்டதா என்று சிந்திப்பது நல்லது.

சுயத்தேவைகளைப் பெருக்கிக் கொள்ளுதல், சுருக்கு வழிகளில் பலன் தேடுதல், சுய விளம்பரத்திற்காக எதையும் செய்தல், உலகின் தீயச் சக்திகளோடு சமரசம் செய்தல் என்று நம்மை வந்தடையும் அழகான சோதனைகளுக்கு நம் பதில் என்ன? இயேசுவிடமிருந்து ஏதாவது பாடங்களை நாம் கற்றுக் கொள்ள முடியுமா? கற்றுக் கொண்டதை செயலாக்க விருப்பமா? இந்தக் கேள்விகளுக்குப் பதில் சொல்ல தவக்காலம் நல்லதொரு நேரம்.

இந்த நிகழ்ச்சியை வத்திக்கான் வானொலியின் தமிழ் ஒலிபரப்பில் கேட்டுப் பயன் பெறவும், உங்கள் கருத்துக்களைக் கூறவும் அழைக்கிறேன். வத்திக்கான் வானொலியின் இணையதள முகவரி:
www.vaticanradio.org

10 March, 2011

Believe in the unbelievable ‘hesed’ பெருகி வரும் பேரன்பு




Today we begin the Lenten Season, the season of grace, with Ash Wednesday. What better time to think of the last verse of Psalm 23 which gives us the assurance that ‘Surely goodness and mercy shall follow us (surround us… envelop us… pursue us) all the days of our life.’?
Although we have not spoken of this lately, we remember that Psalm 23 is primarily about the shepherd and the sheep. Mike Joyce, a Methodist Preacher in U.K. reflects on this last verse in terms of the shepherd, the sheep and TWO SHEEP DOGS Goodness and Mercy… Here is Mike…
Psalm 23 has been all about the care a good shepherd gives his sheep. The health and vitality of the sheep has been the shepherd's number 1 priority. In this last verse the care given the sheep is summed up.
I want to introduce you to two sheep dogs……God's two sheep dogs.
Remember, the shepherd is leading the flock…. I want you to imagine two dogs as rearguard.
God has two sheep dogs that always follow us and their names are Goodness and Mercy.
They are there not to scare us or hurt us, but to keep us in the fold and guide us to the next pastures.

http://mikejoycesermons.blogspot.com/

This scene, this picture gives us a better understanding of the word – follow, surround, etc. God in front and His Goodness and Mercy behind us. A perfect picture of security! Although this is a consoling scene, there is still some hesitation on our part to enjoy this security. If I am enveloped by God’s goodness and mercy, then why do I not get all I want? Why do I meet with pain and loss? Mike Joyce has this answer:
A good parent does not fulfil every wish and whim a child has. Why? Because not everything will benefit the child. Sometimes a parent will need to say, ’No I don’t think you two should play with the carving knives’!! God knows what is good for us far better than we know ourselves. God's goodness is great… It’s most important that we understand that the promise of God's goodness does not mean a problem - free life.
http://mikejoycesermons.blogspot.com/

We have spoken of this already in our earlier reflections. The Psalmist does not say that this world would be fair just because the shepherd is with us. He rather says that our view of the world will be different, more positive since the Lord is our Shepherd. St Paul reiterates this message in his letter to the Romans. Paul does not say that there would be no pain for those who love God, but that the love of God will help us bear, manage and transform pain.
Romans 8: 28-39 (Selected verses)
And we know that in all things God works for the good of those who love him, who have been called according to his purpose… What, then, shall we say in response to these things? If God is for us, who can be against us?... Who shall separate us from the love of Christ? Shall trouble or hardship or persecution or famine or nakedness or danger or sword?... For I am convinced that neither death nor life, neither angels nor demons, neither the present nor the future, nor any powers, neither height nor depth, nor anything else in all creation, will be able to separate us from the love of God that is in Christ Jesus our Lord.

Not a trouble-free, pain-free world; but an anxiety-free mind rooted in God’s love.

Another lovely thought about this verse comes from the word ‘hesed’ used by the psalmist in this verse. This word is translated differently to mean – loving kindness, unearned love, unassailable love, deep-rooted love… This list can go on. This word occurs in the Old Testament 248 times out of which, in the Book of Psalms alone it occurs 127 times and one such occasion is the last verse of Psalm 23. Here are a few instances where this word is used in the Old Testament:

Exodus 20: 1-6
And God spoke all these words: “I am the LORD your God, who brought you out of Egypt, out of the land of slavery… I, the LORD your God, am a jealous God, punishing the children for the sin of the parents to the third and fourth generation of those who hate me, but showing love to a thousand generations of those who love me and keep my commandments.

II Samuel 22: 1-2, 51
David sang to the LORD the words of this song when the LORD delivered him from the hand of all his enemies and from the hand of Saul. He said: “The LORD is my rock, my fortress and my deliverer;… He gives his king great victories; he shows unfailing kindness to his anointed, to David and his descendants forever.”

Jeremiah 31: 1-3
“At that time,” declares the LORD, “I will be the God of all the families of Israel, and they will be my people… I have loved you with an everlasting love; I have drawn you with unfailing kindness.”

Hosea 2: 16-19
“In that day,” declares the LORD, “I will betroth you to me forever; I will betroth you in righteousness and justice, in love and compassion.”

When the prodigal son returns home (Luke 15: 20-24), the father embraces him and begins a festive dinner in his honour. No questions… no explanations. That is the taste of ‘hesed’! Lenten Season is a good time to renew our belief that God’s ‘hesed’ follows us wherever we go!

Dear Friends,
This homily was broadcast on Vatican Radio (Tamil Service). Kindly visit
http://www.vaticanradio.org/ and keep in touch. Thank you.

"உண்மையிலேயே என் வாழ்நாள் எல்லாம் உம் அருள் நலமும், பேரன்பும் எனைப் புடைசூழ்ந்து வரும்..." என்று ஆரம்பமாகும் திருப்பாடல் 23ன் இறுதித் திருவசனத்தில் நம் தேடலைச் சென்ற வாரம் ஆரம்பித்தோம். "புடைசூழ்ந்து வரும்" என்ற தமிழ் சொற்றொடர் மதிப்பையும், பாதுகாப்பையும் உணர்த்தும் ஒரு சொற்றொடர் என்று நம் தேடலை நிறைவு செய்தோம். இப்புதனன்று நாம் துவங்கும் தவக் காலத்தில் நம்மைப் புடைசூழ்ந்து வரும் இறைவனின் அருளும், பேரன்பும் நம்மில் உருவாக்கும் மதிப்பை, பாதுகாப்பை இன்னும் ஆழமாய் உணர இந்தத் தேடலில் முயல்வோம்.

ஆடுகள், ஆயன் என்ற எண்ணங்களை நாம் கடந்த சில வாரங்கள் பேசவில்லையென்றாலும், திருப்பாடல் 23 ஆயனையும், ஆடுகளையும் மையப்படுத்திய ஒரு திருப்பாடல் என்பதை நீங்கள் மறந்திருக்க வாய்ப்பில்லை என்று நினைக்கிறேன். ஆயன், ஆடுகள் என்ற அந்தக் காட்சியை மீண்டும் நம் மனக்கண் முன் கொண்டு வருபவர் Mike Joyce என்ற Methodist போதகர். அவர் திருப்பாடல் 23ன் 6ம் திருவசனத்துடன் இணைத்து விவரிக்கும் இக்காட்சியை நாமும் கற்பனை செய்து பார்ப்போம். ஆடுகளை வழி நடத்திச் செல்லும் ஆயன் எப்போதும் அவைகளுக்கு முன் செல்வார் என்பதை நாம் ஏற்கனவே சிந்தித்திருக்கிறோம். ஆயன் முன்னே நடந்து செல்வதால், மந்தையின் பின்புறமாய் ஆடுகளுக்குப் பாதுகாப்பைத் தருவதற்கும், வழி தவறிச் செல்லும் ஆடுகளை மீண்டும் மந்தைக்குள் திருப்பிக் கொண்டு வருவதற்கும் ஒரு சில நாய்கள் ஆயனுக்கு உதவியாக இருக்கும்.
'நாய்' என்ற வார்த்தை ஒரு சில நேரங்களில் ஒரு வசைச்சொல்லாகப் பயன்படுத்தப்படுகின்றது. ஆனால், நாயின் பல அற்புதக் குணங்களை நாம் அனைவரும் அறிவோம். நாய் என்று சொன்னதும் அதன் நன்றி நிறைந்த விசுவாசம் நம் நினைவுக்கு வரும். தனக்கு விசுவாசமான நாய் தன் பின்னே வருகிறது என்று தெரிந்தாலே போதும் நாம் நம்பிக்கையுடன் வெளியே செல்ல முடியும். அதேபோல், பார்வையிழந்தோர் பலருக்கு வழிகாட்டியாக நாய்கள் செயல்படுவதையும் நாம் பார்த்திருக்கிறோம். இந்தக் குணங்களை மட்டும் மனதில் இருத்தி, நம் கற்பனையைத் தொடர்வோம்.

Mike Joyce இந்தக் கற்பனையில் விவரிப்பது இதுதான். ஆயனாம் இறைவன் முன் செல்கிறார். ஆடுகளாகிய நாம் அவரைத் தொடர்கிறோம். அவ்வேளையில் ஆயனின் உற்றத் துணைகளான இரு நாய்கள் ஆடுகளாகிய நம்மைப் பின்தொடர்ந்து வருகின்றன. அந்த நாய்களின் பெயர்கள்... அருள் நலம், பேரன்பு.
ஆயன் நமக்கு முன்னே... அவரது அருள் நலமும், பேரன்பும் நமக்குப் பின்னே... இதை விட வேறென்ன பாதுகாப்பு நமக்கு வேண்டும்? இவை இரண்டும் நம்மைத் துரத்திப் பயமுறுத்தவோ, விரட்டிப் பிடிக்கவோ, நம்மைப் பின்தொடர்வதில்லை. மாறாக, நாங்கள் எப்போதும் உங்கள் பின்னே பாதுகாப்பாய், உறுதுணையாய் வருகிறோம். பயமின்றி முன்னேறிச் செல்லுங்கள் என்று இவ்விரண்டும் நமக்குச் சொல்கின்றன. அழகான ஒரு கற்பனை காட்சியை மனதில் உருவாக்கும் வார்த்தைகள் இவை.

இறைவனின் அருள் நலமும், பேரன்பும் நம்மைத் தொடர்கின்றன; நம்மைப் புடைச் சூழ்ந்து வருகின்றன என்று சொல்லும்போது, ஆறுதலான எண்ணங்கள் மனதில் எழுந்தாலும், இதை முற்றிலும் ஏற்பதற்கு நமக்குள் ஒரு சில கேள்விகள், தயக்கங்கள் இருக்கத்தான் செய்கின்றன.
இறைவனின் அருள், அன்பு இவைகளால் நான் சூழப்பட்டிருந்தால், ஏன் நான் விரும்பியதெல்லாம் எனக்குக் கிடைப்பதில்லை? மாறாக, நான் விரும்பாத துன்பங்கள் ஏன் என்னை அடைகின்றன? என்பது முதல் கேள்வி, முதல் தயக்கம்.
அன்பை வாரி வழங்கும் பெற்றோர் இருக்கும்போது, குழந்தை கேட்பதெல்லாம் கிடைத்து விடுமா? குழந்தை கேட்பதையெல்லாம் கொடுக்கும் பெற்றோர், குழந்தைக்குத் தீங்கு விளைவிக்கக் கூடும். குழந்தை கேட்பது தவறானது என்று தெரிந்தால், பெற்றோர் அதை மறுப்பார்கள், அல்லது, குழந்தை கேட்பதற்குப் பதிலாக வேறொன்றைத் தருவார்கள். குழந்தை என்னதான் அடம் பிடித்தாலும், நல்ல பெற்றோர் தங்கள் முடிவில் உறுதியாய் இருப்பார்கள்.
இறைவனின் அருளும், அன்பும் நம்மைச் சூழ்ந்து வரும்போது, நாம் கேட்பதெல்லாம் கிடைத்து விடும்; நாம் பிரச்சனைகள் ஏதும் இல்லாத உலகத்தில் வாழ்வோம் என்பது தவறான கணிப்பு. திருப்பாடல் 23ன் மையக் கருத்தாக இதை அவ்வப்போது சொல்லியிருக்கிறோம். இப்போது மீண்டும் நினைவுபடுத்துகிறோம். ஆயனாம் இறைவன் நம்மை வழி நடத்துவதால், உலகம் ஆனந்தமயமாய் மாறி விடாது. ஆயன் நம்மோடு இருப்பதால், பிரச்சனைகள் நிறைந்த உலகத்தைக் காணும் நமது கண்ணோட்டம் மாறும். இன்பம், துன்பம் அனைத்திலும் கடவுள் நம்மோடு இருக்கிறார், இணைந்து செயல்படுகிறார் என்ற உறுதி பிறக்கும். இதுவே திருப்பாடல் 23ன் மையக் கருத்து. இதையே புனித பவுல் உரோமையருக்கு எழுதிய திருமுகத்தில் கூறியுள்ளார்:

உரோமையர் 8 : 28-39
மேலும், கடவுளிடம் அன்புகூர்பவர்களோடு, அதாவது அவரது திட்டத்திற்கேற்ப அழைக்கப்பட்டவர்களோடு, அவர்கள் நன்மைக்காகவே ஆவியார் அனைத்திலும் ஒத்துழைக்கிறார் என்பது நமக்குத் தெரியும்... இதற்குமேல் நாம் என்ன சொல்வோம்? கடவுள் நம் சார்பில் இருக்கும்போது, நமக்கு எதிராக இருப்பவர் யார்? கிறிஸ்துவின் அன்பிலிருந்து நம்மைப் பிரிக்கப் கூடியது எது? வேதனையா? நெருக்கடியா? இன்னலா? பட்டினியா? ஆடையின்மையா? இடரா? சாவா? எதுதான் நம்மைப் பிரிக்க முடியும்? வேறெந்தப் படைப்பும் நம் ஆண்டவர் கிறிஸ்து இயேசுவின் வழியாய் அருளப்பட்ட கடவுளின் அன்பிலிருந்து நம்மைப் பிரிக்கவே முடியாது என்பது என் உறுதியான நம்பிக்கை.

கடவுளின் அன்பு இருப்பதால் இவ்வுலகில் எந்தத் துன்பமும் இல்லை என்று பவுல் அடியார் சொல்லவில்லை. மாறாக, எந்தத் துன்பத்திலும் இறையன்பு இருந்தால் நம்மால் சமாளிக்க முடியும் எத்துன்பத்தையும் எதிர்கொள்ள முடியும் என்பதே அவரது அனுபவத்திலிருந்து பிறந்த உண்மைகள். ஆயன் நமக்கு முன்னே, அவரது உறுதுணையான நாய்கள் அருள் நலமும் பேரன்பும் நமக்குப் பின்னே இருந்தால் போதும்.

இறைவனின் அருள் நலமும், பேரன்பும் நமது பிறப்புரிமை அல்ல. நம் உழைப்பிற்குக் கிடைக்கும் சன்மானம் அல்ல... இவை முற்றிலும், முழுக்க, முழுக்க இறைவனின் தாராள மனதைக் காட்டும் ஒரு கோடை, ஓர் அடையாளம்.
திருப்பாடல் 23ன் இந்த வரியில் கூறப்பட்டுள்ள 'பேரன்பு' என்ற வார்த்தைக்குப் பயன்படுத்தப்பட்டுள்ள எபிரேயச் சொல் ‘HESED'. இந்தச்சொல் பழைய ஏற்பாட்டில் 248 முறை பயன்படுத்தப்பட்டுள்ளது. அவற்றில் திருப்பாடல்களில் மட்டும் இச்சொல் 127 முறைகள் பயன்படுத்தப்பட்டுள்ளன. பழைய ஏற்பாட்டில் இச்சொல் பயன்படுத்தப்பட்டுள்ள ஒரு சில பகுதிகள் இதோ:

விடுதலைப்பயணம் 20: 6
கடவுள் அருளிய வார்த்தைகள் இவையே: என்மீது அன்புகூர்ந்து என் விதிமுறைகளைக் கடைப்பிடிப்போருக்கு ஆயிரம் தலைமுறைக்கும் பேரன்பு காட்டுவேன்.

சாமுவேல் - இரண்டாம் நூல் 22: 1-2, 51
ஆண்டவர் தாவீதை அவருடைய எதிரிகள் கையினின்றும் சவுலின் கையினின்றும் விடுவித்தபோது அவர்கள் ஆண்டவருக்கு பண்ணிசைத்துப் பாடியது: ஆண்டவர் என் கற்பாறை; என் கோட்டை; என் மீட்பர்… தாம் ஏற்படுத்திய அரசருக்கு வெற்றியை அவளிப்பவர் அவரே! தாம் திருப்பொழிவு செய்த தாவீதுக்கு அவர்தம் மரபினருக்கும் என்றென்றும் பேரன்பு காட்டுபவரும் அவரே!

எரேமியா 31: 1-3
ஆண்டவர் இவ்வாறு கூறுகிறார்: அக்காலத்தில் இஸ்ரயேலின் குடும்பங்கள் எல்லாவற்றுக்கும் நான் கடவுளாய் இருப்பேன்: அவர்கள் என் மக்களாய் இருப்பார்கள். ஆண்டவர் கூறுவது இதுவே: வாளுக்குத் தப்பிப் பிழைத்த மக்கள் பாலைநிலத்தில் என் அருளைக் கண்டடைந்தனர்: இஸ்ரயேலர் இளைப்பாற விரும்பினர். ஆண்டவர் அவர்களுக்குத் தொலையிலிருந்து தோன்றினார். உனக்கு நான் முடிவில்லாத அன்பு காட்டியுள்ளேன்: எனவே பேரன்பால் உன்னை ஈர்த்துள்ளேன்.

Hesed என்ற இந்த வார்த்தைக்கு ஆங்கிலத்தில் ‘Unearned love’ ‘Steadfast love’ ‘Unfailing love’ எனப் பல அர்த்தங்கள் உண்டு. இந்த வார்த்தையைத் தமிழில் சொல்ல வேண்டுமெனில், 'நெறி பிறழாத அன்பு' அல்லது 'தகுதி தரம் இவைகளை நோக்காமல் தரப்படும் அன்பு' என்று பொருள் கொள்ளலாம். பிச்சையிடும்போதும் பாத்திரம் அறிந்து பிச்சையிட வேண்டுமென்று சொல்லும் அறிவுரைகள் இந்த அன்புக்கு முன் மறைந்து விடும். ஒரு கோணத்தில் பார்த்தால் காரண காரியம் ஏதுமில்லாமல் காட்டப்படும் இந்த அன்பு பைத்தியக்காரத்தனமான அன்பாகத் தெரியலாம். தன்னை அவமானப்படுத்தி விட்டு, சொத்தில் பாதியை அழித்து விட்டு மீண்டும் வந்திருக்கும் ஊதாரி மகனிடம் எந்த ஒரு விளக்கமும் கேட்காமல், அவனைக் கண்டதும் அரவணைத்து, அவனுக்கு விருந்தொன்று ஏற்பாடு செய்தாரே தந்தை, அந்த அன்பைத்தான் இங்கு திருப்பாடல் ஆசிரியர் Hesed என்று குறிப்பிடுகிறார்.

எவ்வித காரணமும், முன்னறிவிப்பும் இல்லாமல் நம்மை வந்தடையும், நம்மை நிரப்பும், நம்மைத் தொடரும், நம்மைப் புடைச் சூழ்ந்து வரும் அன்பு இது. இறையன்பை நம் வாழ்வில் ஆழமாய் உணர, அவ்வன்பு நம்மை என்றும் தொடர்கிறது, நம்மைப் புடைசூழ்ந்து வருகிறது என்பதை நாம் துவங்கியிருக்கும் இத்தவக் காலத்தில் சிறப்பான முறையில் விசுவசிக்க முயல்வோம்.

இந்த நிகழ்ச்சியை வத்திக்கான் வானொலியின் தமிழ் ஒலிபரப்பில் கேட்டுப் பயன் பெறவும், உங்கள் கருத்துக்களைக் கூறவும் அழைக்கிறேன். வத்திக்கான் வானொலியின் இணையதள முகவரி:
http://www.vaticanradio.org/

06 March, 2011

Rock-solid Foundation பாறை மீது…




Last week I was in a hurry to declare that our ‘mini-series’ on the Sermon on the Mount came to an end. But it was wrong. Only this week we come to the last passage of this series. I was careless and hasty. Haste makes waste, says one of the proverbs. One of the Tamil proverbs talks of the different challenges faced by individuals when they have to build a house or conduct a wedding. “Kalyaanam pannippaar; veettaik kattippaar.”(“கல்யாணம் பண்ணிப்பார்; வீட்டைக் கட்டிப்பார்”) I am not sure why building a house is coupled with conducting a wedding. I guess both these efforts require lots of planning, calculations, guts and above all, PATIENCE. The proverb ‘haste makes waste’ serves as a warning while building a house or arranging a wedding.

Today’s gospel, (Matthew 7:21-27) the final section of the Sermon on the Mount, is an exhortation of Jesus on how to integrate the Word of God in our life. Jesus places before us two lessons… call them challenges, if you like.

The first challenge from Jesus relates to a burning issue of our present day world. It is a virtual salvo from Jesus: “Not everyone who says to me, ‘Lord, Lord,’ will enter the kingdom of heaven, but only the one who does the will of my Father who is in heaven.”
I wish to rephrase these words: Any one who takes up the name of the Lord in vain, even to the point of using it to kill, will not find a place in God’s Kingdom. We are sadly aware of the recent murder of Shahbaz Bhatti, the Minister for Minorities in Pakistan on March 2, 2011. The reason behind the murder could be the abolition of the Blasphemy Law he was fighting for. We are also aware that just two months back, in January 2011, the governor of Pakistan's Punjab province, Salman Taseer, was shot dead by one of his bodyguards in the capital, Islamabad. Malik Mumtaz Hussein Qadri, the person who killed Taseer, said in one of his television interviews, “Salman Taseer is a blasphemer and this is the punishment for a blasphemer." http://www.bbc.co.uk/news/world-south-asia-12111831
The name of God has been used by almost every religion for very ungodly reasons in history. If these persons, who justify their murders in God’s name, were to appear before God, they would probably hear God telling them: “I never knew you. Away from me, you evildoers!” (Matt. 7:23)

The second challenge posed by Jesus in today’s gospel relates to how we need to put into practice God’s words: “Therefore everyone who hears these words of mine and puts them into practice is like a wise man who built his house on the rock. The rain came down, the streams rose, and the winds blew and beat against that house; yet it did not fall, because it had its foundation on the rock. But everyone who hears these words of mine and does not put them into practice is like a foolish man who built his house on sand. The rain came down, the streams rose, and the winds blew and beat against that house, and it fell with a great crash.” (Matt. 7:24-27)

While browsing the internet for my reflections on this passage from Matthew, I came across two stories: Here's a story about a wealthy man who laid blueprints before his secretary and told him, "I'm leaving on an extended trip and I want you to build a house for me in that location above the lake. I'll be gone for ten months. Here are the plans and specs and funds to cover the cost." The astute employee saw a chance to feather his own nest. He hired a crooked contractor, employed unskilled labor whenever possible, and put cheap, inferior material into the building. When it was finished, it had the appearance of magnificence, but was really a poorly constructed, insubstantial shell. When the employer returned and went with the secretary to see the building, which looked quite beautiful overlooking the lake, he asked the secretary, "What do you think of it?" "I think it's wonderful," the secretary replied. "I'm glad you like it. I'm retiring from business; I won't need your services much longer and I want you to have a nice house in your retirement. This house is yours."
"Building A Life" by Benjamin Reaves - http://www.csec.org/csec/sermon/reaves_3613.htm

I wish to extend this story a bit… When the secretary heard of this ‘gift’ from his employer, he would have cursed himself as well as the employer. For the rest of his life he would have felt miserable for having built his own house so badly. If only the secretary had known that this house was going to be his, what would he have done differently? Everything… starting from making sure that the land on which he is building the house is free from legal hassles and is also fit for construction. In short, he would have made sure that his house stood on rock-solid-foundation. Once the foundation was laid, then the secretary would have made sure that every brick, every timber used in the house was of good quality. He would have been totally involved in his work as an artist involved in his creation.

The second story is about a person who was totally involved in building his house, starting from abiding by all the rules of construction. In 1992, Hurricane Andrew destroyed thousands of homes in South Florida. Yet in an area where the wreckage looked like a war zone, one house remained standing, still firmly anchored to its foundation. When a reporter asked the homeowner why his house had not been blown away, he replied, "I built this house myself. I also built it according to the Florida state building code. When the code called for 2" x 6" roof trusses, I used 2" x 6" roof trusses. I was told that a house built according to code could withstand a hurricane-- and it did."
http://www.cbcisite.com/Sunday%20Homily.htm

Jesus has compared construction of a house to constructing our lives according to God’s words. There are two levels in building a house. Building it by the rules is the basic, safe level. But, there is the higher level where one builds the house with utmost care and involvement. Such an involvement is seen when one builds the house for oneself. Jesus invites us to build our lives on His words with total involvement.

Although today’s gospel passage talks about the HOW of building our lives on God’s words, Jesus also gives us a hint about the WHEN of building our lives. No sane person would build a house during a storm or floods. We build houses when things are normal and take refuge in the house during the time of rain and storm. Quite many of us seek God’s words when a storm rages in our lives. This may or may not help. But, if we had built our lives on God’s words on a daily basis, then it would help us during the storms that rage in our lives. Jesus makes a specific reference to this in today’s Gospel: “Therefore everyone who hears these words of mine and puts them into practice is like a wise man who built his house on the rock. The rain came down, the streams rose, and the winds blew and beat against that house; yet it did not fall, because it had its foundation on the rock.” (Matt.7: 24-25)

Don’t we wish to get ‘the wise man tag’ from Jesus? I do.

Dear Friends,This homily was broadcast on Vatican Radio (Tamil Service). Kindly visit http://www.vaticanradio.org/ and keep in touch. Thank you.

"கல்யாணம் பண்ணிப்பார்; வீட்டைக் கட்டிப்பார்" என்பது நமக்கெல்லாம் தெரிந்த ஒரு பழமொழி. கல்யாணம் பண்ணுவதையும், வீட்டைக் கட்டுவதையும் இந்தப் பழமொழியில் ஏன் இணைத்தனர் என்பது எனக்குச் சரியாகத் தெரியவில்லை. ஆனால், இரு முயற்சிகளிலும் திட்டமிடுதல், நுண்ணிய கவனம், வரவுக்கு உள்ளான செலவு, தடைகளைத் தாண்டும் திறமை, என்ற பல குணங்கள் தேவைப்படுகின்றன. இவை எல்லாவற்றிற்கும் மேலாக திருமணம், வீடு இரண்டும் வெற்றிகரமாக பல காலம் நீடிக்க பொறுமையும் தேவை என்பதைக் கூறவே இவ்விரண்டையும் இப்பழமொழியில் இணைத்துள்ளனர் என்பது என் கணிப்பு.
அவசரமாக முடிக்கப்படும் திருமணங்கள், அவசரமாகக் கட்டப்படும் வீடுகள் அதிகக் காலம் தாக்குப்பிடிக்காது என்பதையும் நாம் அறிவோம். இன்றைய நற்செய்தி இந்தப் பழமொழியை நம் நினைவுக்குக் கொண்டு வருகிறது.
கடந்த ஐந்து வாரங்களாய் நாம் சிந்தித்து வரும் இயேசுவின் மலைப்பொழிவுப் பகுதி இன்று ஆறாம் வாரமாக ஒரு நிறைவுக்கு வருகிறது. இன்றைய நற்செய்தியில் இயேசு நமக்கு முன் இரு பாடங்களை வைக்கிறார். அவைகளைச் சவால்களாகவும் நாம் காணலாம்.

ஆண்டவரே, ஆண்டவரே என்று கடவுளின் பெயரைச் சொல்வதால் மட்டும் விண்ணரசில் நுழைய முடியாது. இறைவனின் விருப்பப்படி நடப்பதே விண்ணரசின் கதவுகளை நமக்குத் திறக்கும்... என்பது இயேசு நமக்குத் தரும் முதல் சவால். நாம் வாழும் இன்றையச் சூழலில் நமக்கு அதிகம் தேவையான ஒரு பாடம் இது. கடந்த வாரம் புதன்கிழமை பாகிஸ்தானின் சிறுபான்மைத்துறை அமைச்சராய் பணி புரிந்த Shahbaz Bhatti அடையாளம் தெரியாத ஒரு குழுவால் பட்டப்பகலில் கொலை செய்யப்பட்டுள்ளார் என்பது நாம் அறிந்த செய்தி. இறைவனின் பெயரால், மதங்களின் பெயரால் மனித வரலாற்றில் நடந்துள்ள பாதகச்செயல்களை எண்ணிப்பார்க்க இயேசுவின் இந்தச் சவால், இந்த எச்சரிக்கை ஒரு வாய்ப்பைத் தருகிறது.
கடவுளின் பெயரை உச்சரித்தபடியே மனித உயிர்களைப் பறித்தவர்கள் எல்லா மதங்களிலும் இருந்துள்ளனர். இன்றும், கடவுளின் பெயரால், இந்த இரத்த வரலாற்றைத் தொடர்ந்து எழுதி வரும் அடிப்படைவாதக் குழுவினரை இந்நேரத்தில் நினைத்துப் பார்ப்போம். அவர்களுக்காக இறைவனின் கருணையை வேண்டுவோம். இறைவனின் பெயரைச் சொல்லியபடியே, கொலை வெறியையும், வெறுப்பையும் உலகில் விதைக்கும் இவர்கள் கடவுளின் திருமுன் செல்லும்போது, "உங்களை எனக்குத் தெரியவே தெரியாது. நெறிகேடாகச் செயல்படுவோரே, என்னைவிட்டு அகன்று போங்கள்" (மத்தேயு 7: 23) என்று அவர் கூறும் வாய்ப்பு அதிகம் உண்டு.

இயேசு இன்று நமக்கு வழங்கும் இரண்டாவது சவாலில் நாம் இன்றைய சிந்தனையை அதிகம் செலவழிப்போம். இறைவார்த்தைகளைக் கேட்டு செயல்படுகிறவர்கள், பாறை மீது வீடு கட்டுகிறவர்களுக்கு ஒப்பாவர் என்பது இயேசு நமக்குத் தரும் இரண்டாம் பாடம்.

செல்வந்தர் ஒருவர் தன்னிடம் பல ஆண்டுகள் பணி செய்த மேனேஜரை ஒரு நாள் கூப்பிட்டார். "நான் ஓராண்டு வெளிநாடு செல்கிறேன். நான் திரும்பி வருவதற்குள் எனக்காக ஓர் அழகான வீட்டை நீங்கள் கட்டி முடிக்கவேண்டும். ஏரிக்கரை ஓரமாக எனக்குச் சொந்தமான இடத்தில் இந்த வீட்டைக் கட்டுங்கள்." என்று சொல்லி, அந்த வீட்டுக்கான வரைப்படம், அதற்கு ஆகும் தொகை அனைத்தையும் மேனேஜரிடம் கொடுத்தார்.
கோணல் புத்தியுடைய மேனேஜர், முதலாளி கொடுத்தத் தொகையில் பாதிக்கு மேல் சுருட்டிக் கொண்டு, மீதித் தொகையில் ஒரு பரிதாபமான, உறுதியில்லாத வீட்டைக் கட்டினார். வெளியிலிருந்து பார்க்க மிக அழகாக, பிரம்மாண்டமாகத் தெரிந்தது அந்த வீடு.
ஓராண்டு சென்று முதலாளி மீண்டும் வந்தார். தான் கட்டி முடித்திருந்த அந்த வீட்டுக்கு முதலாளியை அழைத்துச் சென்றார் மேனேஜர். முதலாளி அந்த வீட்டைப் பார்த்து பிரமித்துப் போனார். பார்க்க அவ்வளவு பகட்டாக இருந்தது அது. அவர் மேனேஜர் பக்கம் திரும்பி, "வீடு பிரமாதமா இருக்கிறதே!" என்று வியந்தார். மேனேஜரும் ஒப்புக்காக, "பிரமாதமான வீடு சார். இதில் வாழ கொடுத்து வைத்திருக்க வேண்டும்." என்று கொஞ்சம் மிகைப்படுத்திப் பேசினார்.
"அந்த கொடுத்து வைத்தவர் நீங்கள் தான் மேனேஜர். இந்த வீடு இன்று முதல் உங்களுக்குத் தான்." என்று முதலாளி சொன்னதும், மேனேஜர் முகம் பயத்தில் வெளிறிப் போனது. "ஆம், மேனேஜர். இதை ஓர் ஆச்சரியமான பரிசாக உங்களுக்குத் தர வேண்டுமென்றுதான் முன்னதாகவே இதை உங்களிடம் சொல்லவில்லை. இத்தனை ஆண்டுகள் எனக்காக உழைத்தீர்கள். அடுத்த ஆண்டு ஓய்வெடுக்கப் போகிறீர்கள். உங்கள் உழைப்பிற்கான என் எளிய பரிசு இது." என்றார் முதலாளி. மேனேஜரால் ஒன்றும் பேச முடியவில்லை. அவர் ஆனந்த அதிர்ச்சியில் வாயடைத்து நிற்பதாய் முதலாளி நினைத்துக் கொண்டார்.
மேனேஜரின் வாய்தான் பேசமுடியாமல் போனதே தவிர அவரது மனம் ஆயிரம் பேசியிருக்கும். "அடப்பாவி... இந்த வீடு எனக்குத்தான்னு முன்னாலேயே சொல்லியிருந்தா, எப்படி கட்டியிருப்பேன்… இப்ப வந்து சொல்றியே." என்ற பாணியில் அவர் மனம் முதலாளியை வசை பாடியிருக்கும். தன்னுடைய வீட்டைத் தானே அரைகுறையாய் கட்டிவிட்டோமே என்று மீதி நாட்கள் அவர் வருந்தியிருக்க வேண்டும்.

கதையை இப்படி நினைத்துப் பார்ப்போம். முதலாளி வெளிநாடு போவதற்கு முன், மேனேஜரிடம் தன் நிலம், வரைபடம், பணம் எல்லாவற்றையும் கொடுத்து "மேனேஜர், உங்களுக்கு ஒரு வீடு கட்டிக் கொள்ளுங்கள்." என்று சொல்லியிருந்தால், மேனேஜர் என்ன செய்திருப்பார்?
முதலாளி தனக்குக் கொடுத்த நிலம் சட்டப்படி அவருடையதுதானா என்பதில் ஆரம்பித்து, அந்த நிலம் வீடு கட்டுவதற்கு ஏற்ற நிலமா என்ற அனைத்து ஆராய்ச்சிகளையும் நுணுக்கமாகச் செய்திருப்பார். அதற்குப் பின், அங்கு வைக்கப்படும் ஒவ்வொரு செங்கலுக்கும் கணக்குப் பார்த்து, வீட்டின் ஒவ்வொரு அங்குலமும் உறுதியாக இருக்கிறதா என்பதையும் கவனமாகப் பார்த்து அந்த வீட்டைக் கட்டியிருப்பார்.

இப்படி கவனமாகக் கட்டப்பட்ட ஒரு வீட்டைப் பற்றிய மற்றொரு செய்தி இது. 1992ம் ஆண்டு Hurricane Andrew என்ற சூறாவளி தென் Floridaவின் பல பகுதிகளைத் தரைமட்டமாக்கிவிட்டுச் சென்றது. சூறாவளி வீசி ஓய்ந்தபின், அந்தப் பகுதி போரில் குண்டு வீசி அழிந்துபோன ஒரு பகுதி போல காட்சி அளித்தது. ஒரே ஒரு வீடு மட்டும் பாதிப்பு அதிகம் இன்றி நின்றது. அவ்வீட்டுத் தலைவனைப் பத்திரிக்கையாளர்கள் பேட்டிக் கண்டனர். "உங்கள் வீடு மட்டும் எப்படி இந்த சூறாவளியைச் சமாளித்தது?" என்று அவர்கள் கேட்டனர். "இது எனக்கென்று நானே கட்டிய வீடு. Florida மாநிலத்தில் விதிக்கப்பட்டுள்ள அனைத்து விதிமுறைகளையும் சிறிதும் பிசகாமல் நான் இந்த வீட்டைக் கட்டினேன். இப்பகுதியில் சூறாவளிகள் அடிக்கடி வீசுவதால், இம்மாநிலத்தின் விதிமுறைகள் படி கட்டப்படும் வீடுகள் சூறாவளியை எதிர்க்கும் சக்தி பெற்றவை என்று என்னிடம் அதிகாரிகள் சொன்னதால், நான் இப்படி கட்டினேன். அவர்கள் சொன்னது உண்மைதான்." என்று அவர் செய்தியாளர்களிடம் சொன்னார்.

இந்த இரு கதைகளையும் இணைத்து சிந்திக்க முயல்வோம். வீடு கட்டுவதையும், இறைவார்த்தைகளைக் கேட்டு வாழ்வைக் கட்டுவதையும் இயேசு ஒப்புமைப்படுத்தியுள்ளார். இவ்விரண்டிலும் இரு நிலைகளை நாம் சிந்திக்க முயல்வோம். வீடு கட்டுவதில் மிகவும் அடிப்படையான ஒரு நிலை எந்த ஒரு சட்டத்தையும் மீறாமல் வீட்டைக் கட்டுவது. இரண்டாவது நிலை... சிறிது உயர்ந்த நிலை. கலைஞன் ஒருவன் கலை படைப்பை உருவாக்குவதைப் போல் முழு ஈடுபாட்டுடன் கவனமாய் வீட்டைக் கட்டுவது இரண்டாவது நிலை.
இயேசு நம்மை இரண்டாவது நிலைக்கு அழைக்கிறார். இறைவனை ஆண்டவரே, ஆண்டவரே என்று அழைப்பதைவிட, இறைவனின் வார்த்தைகளை வெறும் மந்திரங்களாகச் சொல்லிக் கொண்டிருப்பதைவிட, அவ்வார்த்தைகளை வாழ்வாக அமைத்துக் கொள்வதே சிறந்ததென இயேசு கூறுகிறார். ஒருவர் தனக்கென முழு ஈடுபாட்டுடன் அமைத்துக் கொள்ளும் வீட்டைப் போன்றது அந்த வாழ்வு. இறைவார்த்தை என்ற உறுதியான பாறை மீது கட்டப்பட்டிருக்கும் அந்த வாழ்வில் வீசும் எந்த வித சூறாவளியும் நம்மைச் சாய்த்துவிட முடியாது என்பது இயேசு தரும் உறுதி.

இறுதியாக ஒரு சிந்தனை... பெருமழை, வெள்ளம், சூறாவளி நேரங்களில் யாரும் வீடுகள் கட்டுவது இல்லை. நல்ல, அமைதியானச் சூழலில் உறுதியாய் கட்டப்பட்ட வீடுகளில் சூறாவளியின்போது நாம் நம்பிக்கையுடன் தஞ்சம் புக முடியும். அதேபோல், வாழ்வில் சூறாவளிகள் வீசும்போது மட்டும் இறைவார்த்தைகளின் படி வாழ்வை அமைத்துக் கொள்ள முடியுமா என்பது சந்தேகம்தான். நமது அனுதின வாழ்வில் இறைவார்த்தைகளை உள்வாங்கி, அந்த அடித்தளத்தில் வாழ்வை நாம் கட்டிஎழுப்பினால், வீசும் சூறாவளிகள் நேரத்தில் அந்த வாழ்வில் நாம் நம்பிக்கையுடன் தஞ்சம் புக முடியும்.

இயேசு இன்றைய நற்செய்தியில் கூறியுள்ள வார்த்தைகளுடன் நம் சிந்தனைகளை நிறைவு செய்வோம்:
நான் சொல்லும் இவ்வார்த்தைகளைக் கேட்டு இவற்றின்படி செயல்படுகிற எவரும் பாறை மீது தம் வீட்டைக் கட்டிய அறிவாளிக்கு ஒப்பாவார். மழை பெய்தது; ஆறு பெருக்கெடுத்து ஓடியது; பெருங்காற்று வீசியது; அவை அவ்வீட்டின் மேல் மோதியும் அது விழவில்லை. ஏனெனில் பாறையின்மீது அதன் அடித்தளம் இடப்பட்டிருந்தது.
மத்தேயு நற்செய்தி 7: 24-25

இந்த நிகழ்ச்சியை வத்திக்கான் வானொலியின் தமிழ் ஒலிபரப்பில் கேட்டுப் பயன் பெறவும், உங்கள் கருத்துக்களைக் கூறவும் அழைக்கிறேன். வத்திக்கான் வானொலியின் இணையதள முகவரி:
www.vaticanradio.org

03 March, 2011

ENVELOPED BY GOODNESS AND MERCY புடைசூழ்ந்துவரும் அருள் நலமும் பேரன்பும்



When we read a novel or watch a movie, the last few pages or the last scenes grip our attention very much. We call this part ‘climax’. If the story moves towards ‘they-lived-ever-after-happily’ note, then in this climax part all the loose ends are tied up and we move towards a solution. We have come to the end of Psalm 23. The last line of the Psalm literally ends on ‘living ever after happily’ note. We begin our reflections on the final verse of this Psalm:
Surely goodness and mercy shall follow me all the days of my life;
and I shall dwell in the house of the LORD forever.
(Ps.23:6)
If we can compare the whole Psalm to a crown, the last verse can be compared to the jewel in the crown. I have suggested in a few of my earlier reflections that it would help us if we can recite this Psalm on a daily basis, especially before retiring to bed. If we can memorise the last verse and repeat this as our final prayer before we close our eyes, it would help us go into a peaceful slumber.

Today we take up the first part of this verse. “Surely goodness and mercy shall follow me all the days of my life.” Every word in this verse is brimming with meaning. When Harold Kushner begins his reflections on this verse, he brings into focus the word ‘follow’ found in this verse. The force of the original Hebrew is even stronger: “goodness and mercy shall pursue me…” That is, they will not only accompany me and bless my life. They will run after me and find me wherever I am. He then goes on to narrate a lovely story to help us see this verse in a new angle.
It (this verse or the word ‘follow’) calls to mind the story of the rabbi who stops a prominent member of his congregation in the street and says to him, “Whenever I see you, you’re always in a hurry. You’re always rushing somewhere. Tell me, what are you running after all the time?” The man answers, “I’m running after success, I’m running after prosperity, I’m running to make a good living.” The rabbi responds, “That’s a good answer, if you assume that all of those rewards are out there ahead of you, trying to elude you, and you have to run hard to catch up to them. But what if the rewards are behind you, looking for you, but they can never find you because you’re running away from them? What if God has all sorts of wonderful gifts He wants to give you, but you’re never home when He comes looking for you so He can’t deliver them?”

What a consoling thought to imagine that God is coming behind us, or, even pursuing us to shower his goodness and mercy on us. Such a thought can also mislead one to believe that our lives will be filled with wonderful things without our raising a little finger. Kushner argues this in this way:
Is the universe a friendly place? Is it full of wonderful things waiting for us to claim them and enjoy them? Or do we have to fight and struggle for everything we need to make our lives feel fulfilled? The answer, I believe, is: both. There are some blessings that will be ours only if we work hard to earn them. The gifted athlete who relies on talent and does not work at his sport is seeing himself up for disappointment. The young couple who believe that love and physical attraction will be enough to guarantee their living happily ever after will soon encounter frustration. It takes a lot of hard work to build a successful marriage. It takes a lot of hard work to build a successful career, no matter how easy it may look to an outsider. Just being a nice person who deserves to be happy isn’t enough.
But then there are other blessings that will be ours only if we stop chasing after them and let them come to us, like the butterfly that eludes our grasp when we try to catch it but comes to perch on our shoulder when we stop chasing it and sit still… I think of the young woman in my community who went to every singles event she knew of, read the personal ads, signed up with introduction agencies, all to no avail. Finally, out of a deep sense of frustration, she gave up her full-time husband-hunting and decided to spend a year doing things she enjoyed rather than the things recommended in the magazines for single women. She volunteered; she took classes. It didn’t take long for her more relaxed persona to make her seem more attractive to the eligible men she met.

A parting thought on this verse for this week comes from the Tamil expression used for the word ‘follow’. The translation of the word ‘follow’ is simply ‘thodarnthu varum.’ But the Tamil expression used here is ‘pudaisoozhnthu varum’. This expression literally means ‘being surrounded by’ or ‘being enveloped by.’ Usually kings come in procession surrounded by his soldiers and others. The expression in Tamil tells us how important and protected this person is. We shall continue to think of how grace and mercy make us important and protected!

Dear Friends,
This homily was broadcast on Vatican Radio (Tamil Service). Kindly visit
http://www.vaticanradio.org/ and keep in touch. Thank you.


நாம் வாசிக்கும் கதைகளில், பார்க்கும் திரைப்படங்களில் இறுதிக் காட்சிகள் விறுவிறுப்பாக அமையும். இவ்விறுதிப் பகுதியை "கிளைமாக்ஸ்" அல்லது "உச்சக்கட்டம்" என்று கூறுவோம். மகிழ்வான கதையென்றால், 'கிளைமாக்ஸ்' பகுதியில் எல்லாப் பிரச்சனைகளும் தீர்க்கப்பட்டு, இறுதியில் 'வணக்கம்' அல்லது 'சுபம்' என்று முடியும். இதைக் காணும் நம் மனதில் ஒரு மகிழ்ச்சி, நிறைவு பிறக்கும்.

ஆனந்தமயமான ஒரு 'கிளைமாக்ஸ்' பகுதிக்கு இன்று நாம் வந்திருக்கிறோம். திருப்பாடல் 23ன் இறுதியான 6ம் திருவசனத்தில் இன்று நம் சிந்தனைகளைத் துவங்குகிறோம். இந்த இறுதித் திருவசனத்தில் கூறப்பட்டுள்ள வார்த்தைகள் நம்மை மகிழ்வில், மன நிறைவில் நிரப்பும் வார்த்தைகள். இந்த வார்த்தைகளை இப்போது ஒரு சிறு தியானமாகக் கேட்டுப் பயனடைய உங்களை அழைக்கிறேன்.

திருப்பாடல் 23 : 6
உண்மையாகவே, என் வாழ்நாள் எல்லாம் உம் அருள் நலமும் பேரன்பும் எனைப் புடைசூழ்ந்துவரும்; நானும் ஆண்டவரின் இல்லத்தில் நெடுநாள் வாழ்ந்திருப்பேன்.

திருப்பாடல் 23ஐ ஒரு முத்துமாலையாக நாம் உருவகித்துப் பார்த்தால், இந்த இறுதி வரிகள் அந்த முத்துமாலையின் நடுவில் கோர்க்கப்பட்டுள்ள ஒரு விலையுயர்ந்த பவளம் என எண்ணிப் பார்க்கலாம். இவ்விறுதி வரிகளில் கூறப்பட்டுள்ள ஒவ்வொரு வார்த்தையும் மனதில் இதமான, நிறைவான உணர்வுகளை எழுப்புகின்றது. திருப்பாடல் 23 முழுவதையும் ஒவ்வொரு நாளும், அல்லது அடிக்கடி வாசிப்பது பயனளிக்கும். அதிலும் முக்கியமாக, இந்த இறுதி வரிகளை மனப்பாடம் செய்து, உறங்கப் போகுமுன் நமக்குள் இரவுசெபம் போல சொல்லியபடியே உறங்கினால் நல்லது.
உண்மையாகவே, என் வாழ்நாள் எல்லாம் உம் அருள் நலமும் பேரன்பும் எனைப் புடைசூழ்ந்துவரும்; நானும் ஆண்டவரின் இல்லத்தில் நெடுநாள் வாழ்ந்திருப்பேன்.

6ம் திருவசனத்தின் முதல் பகுதியில் நம் சிந்தனைகளை இன்று ஆழப்படுத்துவோம். இந்த வரியில் காணப்படும் ஒவ்வொரு சொற்றொடரும் பல சிந்தனைகளை எழுப்பும்.
உண்மையாகவே...
என் வாழ்நாள் எல்லாம்...
உம் அருள் நலமும் பேரன்பும்...
எனைப் புடைசூழ்ந்து வரும்.

எனைப் புடைசூழ்ந்து வரும் என்ற இறுதிச் சொற்றொடரில் நம் தேடலை ஆரம்பிப்போம். இறைவனின் அருளும் பேரன்பும் நம்மைப் புடைசூழ்ந்து வருவதைக் கற்பனை செய்து பார்ப்போம். அந்த உண்மையை நம்புவதற்கு, நமதாக்குவதற்கு முயல்வோம்.

திருப்பாடல் 23ன் இந்த வரியை Harold Kushner விவரிக்கும்போது, ஒரு கதையுடன் ஆரம்பிக்கிறார். ஓர் ஊரில் யூத மதத்தைச் சார்ந்த ஒரு முக்கிய புள்ளி வாழ்ந்து வந்தார். அவர் எப்போதும் ஏதோ ஓர் அவசரத்தில் இருப்பதுபோல் எல்லாருக்கும் தெரியும். தொழுகைக் கூடத்திற்கு வந்தாலும், அங்கும் நிலை கொள்ளாமல் தவிப்பார். தொழுகை முடிந்தும் முடியாமல், விரைந்து வெளியேறுவார். இவரைப் பார்த்துக் கொண்டிருந்த யூத குரு ஒரு நாள் இவரிடம், "நான் உங்களைப் பார்க்கும்போதெல்லாம் நீங்கள் எதோ ஓர் அவசரத்தில் இருப்பதுபோலவே தோன்றுகிறீர்களே. ஏன் இந்த அவசரம்?" என்று கேட்டார்.
அந்த முக்கிய புள்ளி குருவிடம், "நான் வாழ்வில் பலவற்றைச் சாதிக்க விரும்புகிறேன். வெற்றி, செல்வம், புகழ் இவைகளைத் தேடி எப்போதும் நான் ஓடிக்கொண்டே இருப்பதால், இந்த அவசரம்." என்று கூறினார்.
"சரியான பதில் இது." என்று கூறிய குரு மேலும் தொடர்ந்தார்: "வெற்றி, செல்வம், புகழ் எல்லாம் உங்களுக்கு முன் செல்வதாக நினைக்கிறீர்கள். கைநழுவிப் போய்விடுமோ என்ற பயத்துடன் நீங்கள் எப்போதும் இவைகளைத் துரத்திக் கொண்டிருக்கிறீர்கள்... சரி... கொஞ்சம் மாற்றி சிந்தித்துப் பாருங்களேன். நீங்கள் துரத்திச் செல்லும் இவைகள் உங்களுக்கு முன் செல்லாமல், உங்கள் பின்னே உங்களைத் தேடிக் கொண்டு வரலாம் இல்லையா? கடவுள் இந்தப் பரிசுகளை எல்லாம் எடுத்துக் கொண்டு வருவதாகவும் எண்ணிப் பார்க்கலாமே! அப்படி அவர் உங்கள் வீடு தேடி வரும்போது, நீங்கள் இப்பரிசுகளைத் துரத்திக் கொண்டு போயிருந்தால், கடவுள் வரும் நேரத்தில் நீங்கள் வீட்டில் இருக்க மாட்டீர்கள். கடவுள் உங்களைச் சந்திக்காமல், உங்களுக்கு இந்தப் பரிசுகளைத் தரமுடியாமல் திரும்ப வேண்டியிருக்குமே!" என்று அந்த யூத குரு கூறினார்.

செல்வத்தையும் புகழையும் தேடி நாம் ஓடிக் கொண்டிருக்கும்போது, இறைவன் இவைகளையெல்லாம் நமக்குத் தருவதற்கு நம்மைத் தேடி வரக்கூடும் என்பது அழகான எண்ணம், மாற்றி சிந்திக்க வைக்கும் ஓர் எண்ணம்.

இறைவனின் அருள் நலமும், பேரன்பும் நம்மைப் பின் தொடர்ந்து வரும், புடைசூழ்ந்து வரும் என்ற வார்த்தைகளை இக்கோணத்தில் நினைத்துப் பார்க்கும்போது, அவசரமில்லாத, பரபரப்பில்லாத ஒரு வாழ்க்கையைச் சிந்தித்துப் பார்க்க முடிகிறது. இனம் புரியாத அமைதி உள்ளத்தில் உண்டாக வாய்ப்புண்டு.

உலகின் அனைத்து நலன்களும் இவ்விதம் நம்மைப் பின் தொடருமா நம்மைப் புடைசூழ்ந்து வருமா என்ற கேள்வி எழலாம்... இல்லை... உலக வாழ்க்கை அவ்வளவு எளிதான மலர் படுக்கை கிடையாது. எல்லா நலன்களும், எல்லா நேரங்களிலும் நம் வீடு தேடி வராது. அல்லது, கூரையைப் பிய்த்துக் கொண்டு உள்ளே கொட்டாது. பல நலன்களை நாம் தேடிப் போக வேண்டும். அவைகளை அடைய முயற்சிகள் எடுக்க வேண்டும், உழைக்க வேண்டும். வேறு பல நலன்கள் நம்மைத் தேடிவரும். பொறுமையுடன் காத்திருக்க வேண்டும். நாம் தேடிப்போகும் நலன்களும், நம்மைத் தேடி வரும் நலன்களும் கலந்ததுதான் வாழ்க்கை.

குழந்தைப் பருவத்திலேயே ஒரு சிலர் கலைத் திறமைகளுடன் விளங்குவதைப் பார்த்திருக்கிறோம். தங்களுடன் பிறந்த, அல்லது தங்களைத் தேடிவந்த கலையைத் தொடர்ந்து வளர்க்க அவர்கள் ஒரு குருவைத் தேடிச் செல்ல வேண்டும், அல்லது மற்ற வழிகளைத் தேட வேண்டும். நல்ல குரல் வளம் உள்ளவர்களும், குளிர்ந்த ஆற்று நீரில் கழுத்து வரை நின்றபடியே சாதகங்கள் செய்வர் என்று கேள்விப்படுகிறோம். விளையாடும் திறமைகள் உள்ளவர்கள் ஒவ்வொரு நாளும் நான்கு அல்லது ஐந்து மணி நேரங்கள் பயிற்சிகளில் ஈடுபடுவதைப் பார்த்திருக்கிறோம்.

ஓர் இளைஞனும், இளம் பெண்ணும் காதல் வயப்படுகின்றனர். உடல் அழகு என்ற ஈர்ப்பினால் அவர்களைத் தேடி வந்த காதலை அதே நிலையில் விட்டுவிட்டால், அக்காதல் வளர்வதற்கு வாய்ப்பு இருக்காது. ஈர்ப்பு நிலையைத் தாண்டி, பிற வழிகளில் தங்கள் காதலை வளர்க்கும் வழிகளை இவர்கள் இருவரும் தேட வேண்டும்.

முயற்சிகள் எடுத்து நாம் தேடும் நன்மைகளையும், முயற்சிகள் ஏதுமின்றி நம்மை வந்தடையும் நன்மைகளையும் சரிவரக் கலந்தால் கட்டாயம் வாழ்வில் நிம்மதி பிறக்கும்.

இதைப் புரிந்து கொள்ள, Kushner கூறும் மற்றொரு எடுத்துக்காட்டு உதவும். ஓர் இளம்பெண் திருமண வயதைத் தாண்டிக் கொண்டிருந்தார். இன்னும் சரியான துணையை அவரால் கண்டுபிடிக்க முடியவில்லை. எனவே, தன் உறவினர்கள், நண்பர்கள் இல்லங்களில் நடைபெறும் அத்தனை வைபவங்களிலும் வலிந்து சென்று கலந்து கொண்டார். பத்திரிக்கைகளில் விளம்பரங்கள் கொடுத்தார். துணையைத் தேடுவது எப்படி என்று புத்தகங்கள் படித்தார். இவரது தேடுதல் வேட்டை சரியான பலன் தரவில்லை. பல நாட்கள் மனம் சோர்ந்து, தூக்கம், பசி இவைகளை இழந்தார்.

ஒரு நாள் என்ன தோன்றியதோ தெரியவில்லை. துணை தேடும் வேட்டையை நிறுத்திவிட்டு, தன் வாழ்க்கையைப் பதட்டமில்லாமல், Relaxed ஆகச் செலவிட முடிவு செய்தார். தனக்குப் பிடித்தமான வேலைகள், பொழுதுபோக்குகள் இவைகளில் அதிகம் ஈடுபட்டார். அவரது உள்ளம் மகிழ்வாய் இருந்ததால், அவர் உடல் நலனும் அதிகமானது. அவரது மகிழ்ச்சி, பூரிப்பு இவைகளால் ஈர்க்கப்பட்ட ஒரு சில இளைஞர்கள் அவரைத் தேடி வந்தனர். வண்ணத்துப் பூச்சி ஒன்றைத் துரத்தி களைத்து அமர்ந்த ஒருவரது தோள் மீது அந்த வண்ணத்துப் பூச்சி வந்து அமர்ந்த கதை நமக்கு நினைவிருக்கும் இல்லையா?

"புடைசூழ்ந்து வரும்" என்ற இந்தத் தமிழ் சொற்றொடர் அழகான எண்ணங்களை உருவாக்குகின்றன. ஆங்கிலத்தில் Surely goodness and mercy shall follow me அதாவது, “உம் அருள் நலமும் பேரன்பும் என்னைத் தொடர்ந்து வரும்” என்று சொல்வதை விட, எனைப் புடைசூழ்ந்து வரும் என்ற தமிழ் சொற்றொடர் இன்னும் அழகானது. ஓர் அரச மரியாதைத் தெரிகிறது. தலைவர்கள், அரசர்கள் இவர்களே மற்ற படை, பரிவாரங்கள் புடைசூழ வருவார்கள். இவ்விதம் வரும்போது, இரு அம்சங்கள் தெளிவாகும். புடைசூழ வருபவருக்கு மதிப்பு, மரியாதை அதிகம் உண்டு. பாதுகாப்பும் அதிகம் உண்டு.

இறைவனின் அருள் நலமும், பேரன்பும் நம்மைப் புடைசூழ்ந்து வரும்போது, நாம் பெறும் மரியாதை, பாதுகாப்பு எத்தகையது என்பதைத் தொடர்ந்து தேடுவோம்.

இந்த நிகழ்ச்சியை வத்திக்கான் வானொலியின் தமிழ் ஒலிபரப்பில் கேட்டுப் பயன் பெறவும், உங்கள் கருத்துக்களைக் கூறவும் அழைக்கிறேன். வத்திக்கான் வானொலியின் இணையதள முகவரி:
http://www.vaticanradio.org/

28 February, 2011

GOD OR MONEY? GOD OR WORRY? கடவுளா செல்வமா? கடவுளா கவலையா?


The Worship of Mammon by Evelyn De Morgan 1909
http://en.wikipedia.org/wiki/Mammon


“A Few Buttons Missing” is a book written by James T.Fisher and L.S.Hawley in 1951. Fisher, a psychiatrist by profession, talks about the Sermon on the Mount in his book:
"If you were to take the sum total of all authoritative articles ever written by the most qualified of psychologists and psychiatrists on the subject of mental hygiene--if you were to combine them and refine them and cleave out the excess verbiage--if you were to take the whole of the meat and none of the parsley, and if you were to have these unadulterated bits of pure scientific knowledge concisely expressed by the most capable of living poets, you would have an awkward and incomplete summation of the Sermon on the Mount. And it would suffer immeasurably through comparison. For nearly two thousand years the Christian world has been holding in its hands the complete answer to its restless and fruitless yearnings. Here ... rests the blueprint for successful human life with optimum mental health and contentment."
http://www.defendingyourfaith.org/Jesus.htm

We have been reflecting on the different sections of this Sermon for the past four Sundays. Today is the fifth time we are fortunate to visit this Sermon. Next week we shall, as it were, conclude this 'mini-series'. In today’s Gospel passage (Matthew 6: 24-34) Jesus makes three statements… call them suggestions, advice, challenges:
• You cannot serve both God and money.
• Do not worry about your life, what you will eat or drink; or about your body, what you will wear.
• Do not worry about tomorrow, for tomorrow will worry about itself. Each day has enough trouble of its own.
All these statements sound very ideal and out-of-this-world. But, on deeper analysis, they can be seen as very down-to-earth. It is a question of perspective!

Today’s passage begins with a big challenge that a person cannot serve two masters. While reading this line, my mind instinctively thought of politicians. Who said 'You cannot serve two masters'? We have been serving TWO, even THREE masters for so many years, they would say. They would easily serve several masters at the same time, not letting any of them know where their true allegiance lies.
Tamil Nadu is gearing up for elections and there would be shift of allegiances and forging of alliances. Enmity and friendship would be redefined at every election time. Since the public memory is quite short lived, all the political leaders would be making fresh statements contradicting their previous ones. All these would prove that they could serve more than two masters. Their ultimate master is money. They would do anything; go any distance to serve their great master - Mammon. Jesus makes a specific reference to this in the very next sentence: You cannot serve God and money.

You cannot serve God and money… What did Jesus mean by this? Depending on which word gets the most emphasis, the meaning would change as well. YOU (meaning, Jesus’ disciples) cannot serve both God and money. You CANNOT (meaning, that it would be against the very nature of a disciple) serve both God and money. Similarly we could stress the words SERVE, BOTH and AND. I would like to emphasise the word SERVE. A true disciple of Jesus cannot SERVE God and money.
For Jesus there is nothing wrong with money provided it is kept in its proper place. One can earn, save, and share money; but cannot SERVE money. I was struck by Jesus putting money on par / in competition with God. Can money compete with God? Unfortunately, yes and, worse still, it can win the race.

To worry or not to worry is a crucial human question. In the second part of today’s Gospel, Jesus answers this question in his own style. Erma Louise Bombeck was an American humorist who achieved great popularity for her newspaper column that described suburban home life from the mid-1960s until the late 1990s. Bombeck also published 15 books, most of which became best-sellers. She once wrote about a little guy named Donald. Donald was worrying about going to school. Here is how he expressed his anxieties. “My name is Donald. I don’t know anything. I have a new underwear, a loose tooth and I didn’t sleep last night because I’m worried. What if the bell rings and a man yells, ‘Where do you belong,’ and I don’t know? What if the trays in the cafeteria are too tall for me to reach? What if my loose tooth comes out when we have our heads down and are supposed to be quiet? Am I supposed to bleed quietly? What if I splash water on my name tag and my name disappears and no one knows who I am?”
http://lakewoodwindow.org/

I am sure most of us smiled reading the list of worries enlisted by poor little Donald. Poor Donald! Poor all of us! We tend to drown in a teaspoon of worry. To worry or not to worry? Does Jesus tell us simply to brush aside worries; sweep them under the carpet; pretend that there is no care in the world? What does Jesus mean by saying ‘do not worry about your life’? I would like to see this as a sequel to the previous section of today’s Gospel, where Jesus had indicated how money can replace God. Here Jesus indicates that we can be drowned in worries so much that God would disappear from our life. Once again God is put in competition with worries.
In today’s Gospel Jesus tries to tell us in a very simple but elegant way that God is much bigger than our worries. Unfortunately, when we are beset with worries it is much hard for us to believe these words of Jesus. Our worries seem much more tangible and over powering than God. Granted. But, by just worrying about actual and imagined things – like poor Donald – what do we achieve? Can any one of you by worrying add a single hour to your life? This challenge of Jesus is pretty simple and straightforward.

If we can put money and worry in their proper place, if we develop a habit of seeing them in the proper perspective, if we do not replace God with money or worry… we are on the right track! The closing words of Jesus in today’s Gospel are truly golden words:
Do not worry about tomorrow, for tomorrow will worry about itself. Each day has enough trouble of its own.

Dear Friends,
This homily was broadcast on Vatican Radio (Tamil Service). Kindly visit
http://www.vaticanradio.org/ and keep in touch. Thank you.


"ஒரு சில பொத்தான்களைக் காணோம்" (A Few Buttons Missing) என்பது 1951ல் James T.Fisher என்பவரால் எழுதப்பட்ட புத்தகம். மனநல மருத்துவரான Fisher தன் அனுபவங்களையெல்லாம் நகைச்சுவை கலந்து எழுதியுள்ளார். புத்தகத்தின் இறுதி பக்கங்களில் வாழ்வில் தான் கற்ற சில பாடங்களைத் தொகுத்து வழங்கியுள்ளார். அப்பாடங்களில் ஒன்று இயேசுவின் மலைப்பொழிவைப் பற்றியது:
"உலகின் புகழ்பெற்ற மனநல மருத்துவர்கள், அறிஞர்கள் கூறியுள்ள அனைத்து கருத்துக்களையும் ஒன்று திரட்டுவோம். அவைகளில் உள்ள தேவையற்ற வார்த்தைகளை எல்லாம் எடுத்துவிடுவோம். மனநலம் பற்றி ஆடம்பரமற்ற, கலப்படமற்ற உண்மைகளை எல்லாம் திரட்டினால், அவற்றில் இயேசு போதித்த மலைப்பொழிவின் சில பகுதிகளையாவது காணலாம். மன நலத்துடன், மன நிறைவுடன் வாழும் வழியைக் காட்டும் அற்புத திசைக்காட்டி இந்த மலைப்பொழிவு." என்று Fisher கூறியுள்ளார்.
அமெரிக்காவின் 33வது அரசுத் தலைவராக இருந்த Harry Truman சொன்ன கூற்றுகளில் ஒன்று இது: "மலைப்பொழிவு தரும் பாடங்களினால் தீர்க்கமுடியாத பிரச்சனைகள் அமெரிக்க ஐக்கிய நாட்டிலோ, உலகிலோ இல்லை."
கிறிஸ்தவம், சமயம் என்ற எல்லைகளைக் கடந்து, உலகத்தலைவர்களை, பெரும் அறிஞர்களைக் கவர்ந்துள்ள இயேசுவின் மலைப்போழிவைக் கடந்த நான்கு ஞாயிற்றுக் கிழமைகளில் சிந்தித்தோம். இன்று ஐந்தாம் முறையாக சிந்திக்க வந்திருக்கிறோம்.

இன்றைய நற்செய்தியில் இயேசு நமக்கு மூன்று அறிவுரைகளைத் தருகிறார்:
• கடவுளுக்கும், செல்வத்திற்கும் பணிவிடை செய்யமுடியாது.
• எதை உண்போம்? எதைக் குடிப்போம்? எதை அணிவோம்? என்று கவலை கொள்ளாதீர்கள்.
• நாளைக்காக கவலைப் படாதீர்கள். அந்தந்த நாளுக்கு அன்றன்றுள்ள தொல்லையே போதும்.

"எவரும் இரு தலைவர்களுக்குப் பணிவிடை செய்யமுடியாது" இன்றைய நற்செய்தியின் துவக்கத்தில் இயேசு கூறும் வார்த்தைகள் இவை. இவ்வார்த்தைகள் நாம் வாழும் இன்றைய உலகின் அரசியல் குறித்து நம்மைக் கொஞ்சம் சிந்திக்க வைக்கிறது. தமிழகம் விரைவில் தேர்தல்களைச் சந்திக்க இருப்பதால், இவ்வரிகளை ஓரளவு சிந்திப்பது பயனளிக்கும்.
இயேசு இவ்வார்த்தைகளைச் சொன்னபோது, உண்மையான தலைவன், உண்மையான பணியாளரைப் பற்றி அவர் நினைத்துப் பார்த்திருக்க வேண்டும். நல்ல பண்புகள் உள்ள ஒருவரைத் தலைவராக ஏற்றுக் கொள்ளும் பணியாளர், அத்தலைவன் மீது உள்ள மதிப்பினால், அன்பினால் அவருக்குப் பணிவிடை செய்வார். தலைவன் தரும் ஊதியம், அல்லது பிற பயன்கள் இவைகளுக்காகச் செய்யப்படும் பணிவிடை அல்ல இது. அவைகளையெல்லாம் தாண்டி, பணியாளரின் பணிவிடை அமைந்திருக்கும். சில குடும்பங்களில் பல ஆண்டுகள் முழு விசுவாசத்துடன் பணிபுரிபவர்களைப் பார்த்திருக்கிறோம், அல்லது கேள்விப்பட்டிருக்கிறோம். அத்தலைவனின் மகன் தலையெடுத்து வரும்போது, அவரிடம் தன் தலைவனிடம் இருந்த பண்புகள் இல்லையென்றால், பணியாளர் அவருக்கு உழைக்கத் தயங்கி விலகுவதையும் பார்த்திருக்கிறோம்.

“எவரும் இரு தலைவர்களுக்குப் பணிவிடை செய்ய முடியாது” என்ற இயேசுவின் கூற்று, நமது அரசியல் தலைவர்கள், தொண்டர்களுக்குப் பொருந்தாது. இந்தத் தலைவர்கள், தொண்டர்கள் அனைவரும் வேறொரு தெய்வத்திற்குப் பணியாளர்கள். பணம் என்ற தெய்வத்திற்கு இவர்கள் அனைவரும் பணிவிடை செய்பவர்கள்.
இயேசு இன்றைய நற்செய்தியில் செல்வத்திற்குப் பணிவிடை செய்வது குறித்தும் பேசியிருக்கிறார். "கடவுளுக்கும், செல்வத்திற்கும் பணிவிடை செய்யமுடியாது." என்று இயேசு கூறும் வார்த்தைகளைக் கேட்கும் இத்தலைவர்களும் தொண்டர்களும் உள்ளூர ஏளனமாய்ச் சிரித்துக் கொள்வார்கள். இயேசு சொல்வதை மறுத்து இவர்கள் சொல்வது இதுதான்... ‘கடவுளுக்கும், செல்வத்திற்கும் பணிவிடை செய்யமுடியாது’ என்று யார் சொன்னது... நாங்கள் கடவுளுக்கும், செல்வத்திற்கும் பணிவிடை செய்கிறோம். ஏனெனில் எங்கள் கடவுளே செல்வம்தான், என்று சொல்பவர்கள் இவர்கள்.

"கடவுளுக்கும், செல்வத்திற்கும் பணிவிடை செய்யமுடியாது." என்று இயேசு கூறியுள்ள இவ்வார்த்தைகளைப் பலமுறை நான் வாசித்திருக்கிறேன். ஆனால், இம்முறை வாசித்தபொழுது, என் மனதில் ஓர் எண்ணம் எழுந்தது. கடவுளுக்கு இணையாக உயிரற்ற ஒரு பொருளை இயேசு முன் வைக்கிறாரே... கடவுளுக்கு இணையாக, கடவுளுக்குப் பதிலாக, கடவுளுக்கும் மேலாக உயிரற்றப் பொருளை, செல்வத்தை வைக்க முடியுமா? இது சாத்தியமா? என்ற அதிர்ச்சிக் கேள்விகளுக்கு இது சாத்தியமாகியுள்ளது, சரித்திரமும் ஆகியுள்ளது என்ற பதில்கள் கிடைக்கும். கடவுளுக்குப் பதில் செல்வத்தைக் கடவுளாக்கி, வழிபடும், பணிவிடை செய்யும் பலரை நாம் பார்த்திருக்கிறோம்.

இயேசுவின் இந்தக் கூற்று செல்வத்திற்கு எதிராக, செல்வத்தைக் கண்டனம் செய்து பேசப்பட்டதாகத் தோன்றலாம். செல்வம் சேர்ப்பது, செல்வத்தைப் பகிர்வது, செலவிடுவது இவைகளை இயேசு குறை கூறவில்லை. செல்வத்திற்குப் பணிவிடை செய்வதையே அவர் தவறு என்று எச்சரிக்கிறார். செல்வம் என்ற உயிரற்றப் பொருள் நமக்குப் பணிவிடை செய்யவேண்டும். இதுதான் இயற்கை. அதற்குப் பதிலாக, உயிரற்ற செல்வத்திற்கு உயிரும், அறிவும் கொண்ட நாம் பணிவிடை செய்வது தவறு என்று இயேசு எச்சரிக்கிறார்.

இன்றைய நற்செய்தியில் இயேசு கூறும் அடுத்த அறிவுரை:
உயிர் வாழ எதை உண்பது, எதைக் குடிப்பது என்றோ, உடலுக்கு எதை உடுத்துவது என்றோ நீங்கள் கவலை கொள்ளாதீர்கள்.
இந்த அறிவுரையைப் பற்றி பேச எனக்குச் சிறிது தயக்கம், பயம். என் உடன்பிறந்தோர், உற்றார், நண்பர்கள் மத்தியில் அவ்வப்போது நான் இயேசுவின் இந்த அறிவுரையை எடுத்துக் காட்டியிருக்கிறேன். அவர்களில் பலர் எனக்குத் தந்த பதில் இதுதான்: "சாமி, உங்களுக்கென்ன, புள்ளயா, குட்டியா கவலைப்படுவதற்கு? கவலைப்பட வேண்டாம்னு நீங்க ஈசியா சொல்லிடுவீங்க. ஆனா, எங்க நிலைலே இருந்தீங்கனாத் தெரியும்." இது அவர்களின் வாதம். நான் முற்றிலும் ஏற்றுக் கொள்கிறேன். குடும்ப பாரங்கள் உள்ளவர்களின் கவலைகள் ஒவ்வொரு நாளும் அதிகமாகிக்கொண்டே வருகின்றன. உண்மைதான். ஆனால், கவலைகளின் சுமைகளால் நமது உள்ளங்கள் நசுங்கிவிடாமல் காக்கும் வழிகளையும் சிறிது சிந்திப்பது நல்லதென்று நினைக்கிறேன். முயன்று பார்ப்போம்.

கடவுளையும், செல்வத்தையும் இன்றைய நற்செய்தியின் முதல் பகுதியில் ஒப்புமைப்படுத்தி பேசிய இயேசு, கடவுளையும், கவலைகளையும் இரண்டாம் பகுதியில் ஒப்புமைப் படுத்துகிறார். செல்வத்தைக் கடவுளுக்கு இணையாக வைத்து வழிபடுவதும், பணிவிடை செய்வதும் தவறு என்று கூறும் இயேசு, கடவுளை நம் கண்களிலிருந்து மறைக்கும் அளவு நம்மைக் கவலைகளால் நாமே சூழ்ந்து கொள்வது பற்றியும் எச்சரிக்கிறார். சிறு, சிறுத் துளிகளாய் சேரும் கவலைகள் விரைவில் நம்மை மூழ்கடிக்கும்.

Erma Louise Bembeck என்ற எழுத்தாளர் 1960களில் அமெரிக்க நகர வாழ்வைப் பற்றி சிறு, சிறு பகுதிகளாக நாளிதழ்களில் எழுதி வந்தார். வேடிக்கையும் கருத்தும் நிறைந்த தன் எழுத்துக்களால் பல நல்லெண்ணங்களை விதைத்துள்ளார். இவரது எண்ணங்கள் 15 புத்தகங்களாய் வெளிவந்துள்ளன. பள்ளிக்குச் செல்ல பயந்த Donald என்ற சிறுவனைப் பற்றி Bembeck ஒரு நாள் எழுதிய ஒரு சிறு பகுதி இது:
"என் பெயர் Donald. எனக்கு எதுவும் தெரியாது. என்னுடைய ஒரு பல் ஆடிக்கொண்டிருக்கிறது. நான் இதைப் பற்றி அதிகம் கவலைப்பட்டதால், இரவு சரியாகத் தூங்க முடியவில்லை. என் பள்ளியில் உள்ள உணவகத்தில் நாற்காலிகள் அதிக உயரமாய் இருந்தால், நான் எப்படி அதில் ஏறி அமர முடியும்? நான் பள்ளியில் முகம் கழுவும்போது, என் சட்டையில் குத்தப்பட்டுள்ள அட்டையில் தண்ணீர் பட்டு, என் பெயர் அழிந்துவிட்டால், என்ன செய்வேன்? ஆடிக் கொண்டிருக்கும் என் பல் வகுப்பு நடக்கும்போது, விழுந்துவிட்டால், என்ன செய்வேன்? கொட்டும் இரத்தத்தை யார் துடைப்பார்கள்?"
சிறுவன் Donaldன் இந்தக் கவலைப் பட்டியலை வாசிக்கும்போது, வயது முதிர்ந்துவிட்ட நமக்கு மனதில் ஒரு இலேசான கேலிச் சிரிப்பு எழுகிறது... இல்லையா? மனதைத் தொட்டுச் சொல்லுங்கள்... எத்தனை முறை நாம் சிறுவன் Donald ஆக மாறியிருக்கிறோம், இன்றும் மாறி வருகிறோம். தமிழ் திரைப்படம் ஒன்றில் ஒரு நடிகர் மனநல மருத்துவரிடம் பட்டியலிடும் "பயங்கள்" நம் நினைவுக்கு வரலாம். "எனக்கு எல்லாம் பயமயம். கவிதை பயமெனக்கு... கதை பயமெனக்கு." என்று அந்த நடிகர் சொன்ன பட்டியல் நம்மில் சிரிப்பை வரவழைத்திருக்கலாம். ஆனால், அந்த பயங்கள் போலவே நாமும் எல்லாவற்றையும் கவலை மயமாக்குவதையும் சிந்திக்கலாம்.

"கவலைப்படாதீர்கள்" என்று மட்டும் இயேசு கூறிச் சென்றிருந்தால், அவருக்கென்ன... இறைமகன், பிரமச்சாரி... எளிதாகச் சொல்லிவிட்டார் என்று நாம் குறை கண்டுபிடித்திருப்போம். கவலை கொள்ளாமல் இருக்க இயேசு வழிகளையும் சொல்லியிருக்கிறார். கவலைக்குப் பதில் கடவுள் நம்பிக்கையால் மனதை நிரப்புங்கள் என்று சொல்லியிருக்கிறார்.
கவலைப்படுவதால் உங்களில் யார் தன் உயரத்தைக் கூட்டமுடியும் என்று அவர் நமக்கு முன் வைக்கும் ஓர் எதார்த்தமான சவால், நம்மை விழித்தெழச் செய்கிறது. கவலைப்படுவதால் ஒருவேளை நாம் குறுகிப் போக, உடல்நலம் குறைந்துபோக அதிக வாய்ப்புக்கள் உண்டு. உலகின் பல நாடுகளில், அதுவும் பல வழிகளிலும் வளர்ச்சியடைந்துள்ள நாடுகளில் தற்கொலை செய்துகொள்பவர்களின் எண்ணிக்கையும் வளர்ந்து வருகிறது என்பது நம் அனைவருக்கும் தெரியும். தற்கொலைக்கு அடுத்தபடியாக கவலைகளால் உருவாகும் வயிற்றுப்புண், இரத்த அழுத்தம், இதயக் கோளாறு ஆகியவற்றால் இறப்பவர்களின் எண்ணிக்கையும் அதிகம் என்பது இன்றைய புள்ளிவிவரங்கள்.
கவலைப் படுவதால், உடல் உயரத்தைக் கூட்ட முடியாது, உடல் நலத்தையும் கூட்ட முடியாது. செல்வம் சேர்க்காதீர்கள், கவலைப்படாதீர்கள் என்று இயேசு சொல்லவில்லை. காசையும், கவலைகளையும் கடவுளுக்கு இணையாகவோ, கடவுளாகவோ மாற்ற வேண்டாம், அவைகளுக்குக் கோவில் கட்டவோ, அவைகளுக்கு அடிமைகளாய் பணிவிடை செய்யவோ வேண்டாம் என்று இயேசு தெளிவுபடுத்துகிறார்.

இயேசு இன்று நற்செய்தியின் இறுதியில் கூறும் வார்த்தைகள் நம் மனதில் ஆழமாய் பதிய வேண்டும். மிகவும் எளிதான, வாழ்வில் கடைபிடிக்க வேண்டிய அறிவுரை இது:
நாளைக்காகக் கவலைப்படாதீர்கள். ஏனெனில் நாளையக் கவலையைப் போக்க நாளை வழி பிறக்கும. அந்தந்த நாளுக்கு அன்றன்றுள்ள தொல்லையே போதும்.

இந்த நிகழ்ச்சியை வத்திக்கான் வானொலியின் தமிழ் ஒலிபரப்பில் கேட்டுப் பயன் பெறவும், உங்கள் கருத்துக்களைக் கூறவும் அழைக்கிறேன். வத்திக்கான் வானொலியின் இணையதள முகவரி:
www.vaticanradio.org

Half Filled-Empty Cup பாதி நிறைந்த-நிறையாத கிண்ணம்


This is the third part of our reflections on the line “My cup overflows” in Psalm 23. Last week we rounded off our reflection on how our perspective can change our worldview. We spoke of the warped worldview created by the media in our last reflection as well as on Sunday. If we believe what the media says day after day we will be filled only with despair and desire – desire for revenge and despair about our world. The world with all its blessings and complications exists outside; but the worldview exists totally within us. What was David’s worldview?
Now and then we have mentioned that Psalm 23 is one of the masterpieces of David and that he wrote this psalm reminiscing all that had happened in his life. If David was reviewing his life, he had a choice of being engulfed in despair and desire for revenge or being engulfed in the blessings of the Shepherd. David made the positive choice. He chose to look at the half-filled cup rather than the half-empty cup. He was not talking of the half-filled cup but went one step ahead to say: “My cup overflows.”

In the last reflection on this line, we spoke about the positive traits of gratitude. If gratitude is so beneficial, if it makes us happier about our lives, why is it hard for so many people to cultivate the habit of feeling grateful? Harold Kushner gives two reasons for this malady in us.
One is a sense of entitlement. If we have grown up believing that we deserve only the best, we will respond to every gift, whether from God or from friends, like the petulant child who examines a new toy and complains, “I wanted the newer model.” For people who feel entitled, it is not enough to be alive and well; they resent every blemish, every limitation on their physical grace and athletic skill. It is not enough for them to have a loving partner and healthy children; they envy the glamorous romances of celebrities and the honor-roll achievements of the children next door. They are never satisfied because they measure their wealth not by what they have but by what others have that they lack. (Harold Kushner)

I guess these ‘entitled’ people will not be happy with their overflowing cup when they see the cup of another person overflowing a little more than theirs. According to Kushner, the second reason for not feeling grateful in life is self-sufficiency. These are “people who cannot bring themselves to utter the words ‘Thank you,’ because they need to feel self-sufficient. ‘I don’t need anything from anybody. I can take care of myself.’ How sad not to need anybody (and how mistaken to claim that we don’t). How sad not to be able to accept a gift graciously because being on the receiving end of a gift might make us feel weak and needy.” (Kushner)

The overflowing cup reminds me of the story of the half-filled cup. This story or parable tells us clearly that it is our perspective that causes us to give thanks or to give up. The half-filled cup which can make one happy, can also be seen as a half-empty cup, thus creating sadness and longing. Life events are like the weather which is not under our control. But the way we react to the weather is in our hands. Rain or sunshine can cause one to feel happy and another sad. Even in the same person, rain can leave him or her happy on a particular day and sad another day.

When some unpleasant event occurs in our life, it leaves us mostly sad. But, over the course of time, that same event may turn out to be a ‘blessing in disguise’. There are lots of stories in every religion and culture to stress the idea of blessing in disguise. There are very many stories related to ‘Titanic’… stories of those who travelled by the ship and those who missed the voyage. Here is one of them:
Years ago in Scotland, the Clark family had a dream. Clark and his wife worked and saved, making plans for their nine children and themselves to travel to the US. It had taken years, but they had finally saved enough money and had gotten passports and reservations for the whole family on a new liner to the US.
The entire family was filled with anticipation and excitement about their new life. However, 7 days before their departure, the youngest son was bitten by a dog. The doctor sewed up the little boy but hung a yellow sheet on the Clarks' front door. Because of the possibility of rabies, they were being quarantined for 14 days.
The family's dreams were dashed. They would not be able to make the trip to America as they had planned. The father, filled with disappointment and anger, stomped to the dock to watch the ship leave--without the Clark family. The father shed tears of disappointment and cursed both his son and God for their misfortune.
Five days later, the tragic news spread throughout Scotland--the mighty "Titanic" had sunk. The unsinkable ship had sunk, taking hundreds of lives with it. The Clark family was to have been on that ship, but because the son had been bitten by a dog, they were left behind in Scotland.
When Mr. Clark heard the news, he hugged his son and thanked him for saving the family. He thanked God for saving their lives and turning what he had felt a tragedy into a blessing.
http://titanic3.tripod.com/stories.html

We pray that the Shepherd helps us see all the blessings that come our way in different shapes and sizes… and more especially when it comes in disguise!

Dear Friends,
This homily was broadcast on Vatican Radio (Tamil Service). Kindly visit
http://www.vaticanradio.org/ and keep in touch. Thank you.

திருப்பாடல் 23ன் எனது பாத்திரம் நிரம்பி வழிகின்றது என்ற அழகியதொரு வரியில் இது நமது மூன்றாம் விவிலியத் தேடல். இந்த வரி நன்றியுணர்வால் நம் உள்ளங்களை நிரப்பும். அதனால் இந்த உலகமே நமது மனக் கண்களில் அழகாய் மாறும் என்று சென்ற தேடலில் சிந்தித்தோம். இந்த அழகிய கண்ணோட்டத்தை அழிக்கும் வகையில் ஊடகத்துறை காட்டும் இருளான உலகம் உண்மை உலகம் அல்ல; ஊடகங்கள் காட்டும் உலகத்திற்குப் பதிலாக நமது எண்ணங்களில் நன்மை நிறைந்த உண்மையான உலகைப் பார்க்கப் பழகவேண்டும் என்று சென்ற விவிலியத் தேடலை நிறைவு செய்தோம்.
ஊடகங்கள் காட்டும் உலகைப் பற்றிச் சிந்திக்க கடந்த ஞாயிறு மீண்டும் ஒரு முறை நமக்கு வாய்ப்பு கிடைத்தது. 'கண்ணுக்குக் கண், பல்லுக்குப் பல்' என்று பழிவெறி கொண்டு திரியும் உலகமே ஊடங்கள் காட்டும் உலகம். இருந்தாலும், மறுகன்னத்தைக் காட்டுங்கள் என்று இயேசு விடுத்த சவாலை நிறைவேற்றும் மக்களும் இந்த உலகில் உள்ளனர் என்று ஞாயிறு சிந்தனையை நிறைவு செய்தோம்.
இவ்விரு நாட்களிலும் நாம் கூறிய எண்ணம் இதுதான். ஊடகம் காட்டும் உலகம்தான் உண்மை உலகம் என்று நாம் நம்பினால் நம் உள்ளம் வெறுப்பில் நிறைகிறது. வெறுப்பு, பகைமை எனும் அமிலம் ஊற்றப்பட்ட பாத்திரமாய் நமது மனம் மாறும்போது, அது கொஞ்சம் கொஞ்சமாய் அந்த அமிலத்தில் கரைகிறது. இந்தப் போக்கை முறியடிக்க, நமது உள்ளமெனும் கிண்ணத்தில், பாத்திரத்தில் இறைவன் பொழியும் அருள் அமுதத்தை நாம் நிரப்பினால், நம் மனமெனும் பாத்திரம் காப்பாற்றப்படும், மனம் நிறைந்து வழியும்.

திருப்பாடல் 23ன் ஆசிரியர் தாவீது என்று அவ்வப்போது நினைத்துப் பார்க்கிறோம். தாவீது தன வாழ்வைத் திரும்பிப் பார்த்து, அசைபோட்டு எழுதிய பாடல் இது என்றும் சிந்தித்தோம். அவர் திரும்பிப் பார்த்த வாழ்வில் நடந்ததெல்லாமே சுகமான, நலமான நிகழ்வுகள் அல்லவே. அவர் நினைத்திருந்தால், அந்நிகழ்வுகளின் விளைவாக, தன் மனதை வெறுப்பில், பகைமையில், பழி உணர்வில் நிறைத்திருக்கலாம். அவர் அதற்கு மாறாக, தன் வாழ்வை அன்பு, அமைதி என்ற அமுதங்களால் நிறைத்ததால், "என் பாத்திரம் நிறைந்து வழிகின்றது" என்று அவரால் அழுத்தந்திருத்தமாய்ச் சொல்ல முடிந்தது. வெறுப்பில் தன்னை அவர் நிறைத்திருந்தால், திருப்பாடல் 23 என்ற அரும்பெரும் கருவூலத்தை இந்த உலகம் இழந்திருக்கும்.

வாழ்வில் நிறைவைக் காண முடியாமல், நன்றி சொல்ல முடியாமல் கசப்புடன் நாம் வாழ்வைக் கழிப்பதற்கு இரு காரணங்கள் உண்டு என்று சொல்கிறார் Harold Kushner. வாழ்வில் எப்போதும் மிகச் சிறந்தவைகளே எனக்கு வந்து சேர வேண்டும். அது என் பிறப்புரிமை என்ற எண்ணம் முதல் காரணம். இந்த எண்ணம் கொண்டவர்கள் வாழ்வில் தங்களுக்கு வரும் பல பரிசுகளையும் நுணுக்கமாக ஆராய்வார்கள். புண்ணியத்திற்குக் கொடுத்த மாட்டின் பல்லைப் பிடித்து பதம் பார்த்தது போல் ஆராய்வார்கள். அப்பரிசுப் பொருட்களைச் சுற்றியிருக்கும் காகிதம் சிறிது கிழிந்திருந்தாலும் அது நல்ல பரிசல்ல என்று அந்தப் பரிசைப் பிரிக்காமலேயே தீர்மானித்து விடுவார்கள். அல்லது, தங்களுக்கு வந்த பரிசை பிறருக்கு வந்துள்ள பரிசுகளோடு ஒப்புமைப் படுத்துவார்கள். மற்றவர்கள் பரிசு எப்போதும் தங்களது பரிசை விடச் சிறந்ததாக இருப்பதுபோல இவர்களுக்குத் தெரியும். அது இவர்களை ஏக்கத்தில் விட்டுவிடும். தங்கள் கிண்ணம் நிறைந்து வழிந்தாலும், அடுத்தவருடைய கிண்ணம் இன்னும் கொஞ்சம் அதிகமாய் வழிகிறதே என்ற ஏக்கமும், பொறாமையுமே இவர்களது மனதில் நிரம்பி வழியும்.
நன்றி கூறமுடியாமல் போவதற்கு இரண்டாவது காரணம்: இவர்கள் தாங்கள் வாழும் உலகில் தாங்கள் மட்டுமே போதும்; அடுத்தவரின் உதவிகள் தேவையில்லை என்ற தீர்மானத்திற்கு வந்தவர்கள். பிறரிடமிருந்து எதைப் பெற்றாலும், அது தங்களை வலுவற்றவர்களாய் காட்டி விடும் என்ற பயத்தில் வாழும் பரிதாப மனிதர்கள் இவர்கள். தங்கள் மனமென்னும் பாத்திரத்தில் நல்லவைகளை நிறைக்க பிறர் வரும்போது, தங்கள் பாத்திரங்களை மூடி வைப்பார்கள். மற்றவர்கள் என்னதான் முயன்றாலும், மூடிய பாத்திரங்களை நிறைக்க முடியாதே.

நிரம்பி வழியும் பாத்திரம் குறித்து திருப்பாடலின் ஆசிரியர் பேசும் போது, மற்றொரு பாத்திரம் என் நினைவுக்கு வருகிறது. நாம் அனைவரும் நன்கு அறிந்த பாத்திரம். பாதி வரை நிரப்பப்பட்ட பாத்திரம். இந்தப் பாத்திரத்தை இருவர் பார்க்கின்றனர். இன்னும் பாதி நிறையவில்லையே என்று ஒருவர் ஏங்குகிறார். அடடே! பாதிவரை நிறைந்துவிட்டதே என்று மற்றொருவர் மகிழ்கிறார். நம்மை மகிழ்வில் அல்லது துயரத்தில் ஆழ்த்துவது வெளியில் நடக்கும் நிகழ்ச்சிகள் அல்ல; அந்நிகழ்ச்சிகளைக் காணும் நம் கண்ணோட்டம் என்ற உண்மையைக் கூறும் உவமை இது. பாதி வரை நிறைந்துள்ள பாத்திரம் வெளியில் இருக்கும் எதார்த்தம். அதைப் பார்க்கும் பார்வையால் நமக்குள் உண்டாகும் ஏக்கம், எதிர்பார்ப்பு அல்லது நிறைவு, மகிழ்ச்சி ஆகியவை உள்ளே இருக்கும் எதார்த்தம்.

வானிலை அறிக்கைகளைத் தினமும் கேட்கிறோம். பல நேரங்களில் அங்கு சொல்லப்படுவதற்கு முற்றிலும் மாறாக நடப்பதையும் பார்க்கிறோம். வானிலை நம் கட்டுப்பாட்டில் இல்லை, ஆனால், அந்த வானிலை உருவாக்கும் மனநிலை நம் கட்டுப்பாட்டில் முற்றிலும் உள்ளது. கொட்டும் மழை ஒருவரை துயரத்தில் ஆழ்த்தும், மற்றோவரை குழந்தையாய் மாற்றி மழையில் விளையாட வைக்கும். எரிக்கும் வெயில் ஒருவருக்கு எரிச்சலூட்டும், மற்றொவருக்கு மகிழ்வைத் தரும். ஒரே மனிதருக்குள்ளும் மழையோ, வெயிலோ ஒரு நாள் மகிழ்வையும் வேறொரு நாள் சோகத்தையும் உருவாக்குவதில்லையா?
வானிலையைப் போலவே, வாழ்வின் நிகழ்வுகளையும் நம்மால் அதிகம் கட்டுப்படுத்த முடியாது. ஆனால், அந்நிகழ்வுகள் நம்மில் உண்டாக்கும் எண்ணங்கள், உணர்வுகள் இவைகள் முற்றிலும் நம் கட்டுப்பாட்டில் உள்ளன. ஒரு நிகழ்வு நடக்கும் போது, முக்கியமாக ஏமாற்றம் தரும், துயரம் தரும் ஒரு நிகழ்வு நடக்கும்போது, பொதுவாக நம்மில் வேதனையும், கோபமும் பெருமளவில் தோன்றும். காலம் செல்லச் செல்ல அதே நிகழ்வுகள் மனதில் அமைதியை, நன்றியை உருவாக்குவதும் நாம் வாழ்வில் அனுபவத்தில் உணர்ந்துள்ள பாடங்கள்தானே! நம்மைச் சுற்றி நடக்கும் எல்லா நிகழ்வுகளும், நம்மை வந்தடையும் எல்லா அனுபவங்களும் 'நல்லவை' 'அற்புதமானவை' என்ற அட்டைகள் ஒட்டப்பட்டு வரும் பரிசுகள் அல்ல. பல நல்ல நிகழ்வுகள் துன்பம் என்ற மாறுவேடத்தில் வருகின்றனவே!

ஆங்கிலத்தில் அடிக்கடி பயன்படுத்தப்படும் ஒரு சொற்றொடர் - Blessing in disguise, அதாவது, மாறுவேடத்தில் வரும் ஆசீர்வாதங்கள். இந்த மாறு வேடத்தைப் புரிந்து கொள்ள முடியாதவர்கள், ஆசீர்வாதங்களையும் இழந்துபோகும் ஆபத்து உண்டு. ஒவ்வொரு நாட்டிலும் இந்தக் கருத்தை வலியுறுத்தும் பல கதைகள் உண்டு.

Titanic என்ற கப்பலைப் பற்றி நமக்கு நன்கு தெரியும். அந்தப் புகழ்பெற்ற கப்பலில் பயணம் செய்தவர்கள், செய்யத் தவறியவர்கள் பற்றி பல கதைகள் உண்டு. அவைகளில் ஒன்று இது. ஸ்காட்லாந்தில் வாழ்ந்தது கிளார்க் (Clark) குடும்பம். கணவன், மனைவி, ஒன்பது குழந்தைகள். Titanic என்ற கப்பலில் பயணம் செய்து, அமெரிக்காவை அடைந்து அங்கு தங்கள் குழந்தைகளுக்கு வளமான எதிர்காலத்தை உருவாக்க வேண்டுமென்று, கணவனும் மனைவியும் இரவு பகலாய் உழைத்து பணம் சேர்த்தனர். குழந்தைகளும் உழைத்தனர். பல ஆண்டுகள் சேர்த்த பணத்தைக் கொண்டு அனைவருக்கும் Passport மற்றும் பயணச்சீட்டு எல்லாம் வாங்கிவிட்டனர். பயணம் புறப்படுவதற்கு ஒரு வாரத்திற்கு முன், அவர்கள் கடைசிக் குழந்தையை ஒரு வெறி நாய் கடித்துவிட்டது. அக்குழந்தைக்கு சிகிச்சை அளித்த மருத்துவர் அவர்கள் வீட்டின் முன்கதவில் ஒரு மஞ்சள் காகிதத்தை ஒட்டிவைத்தார். அதாவது, அக்குடும்பத்தில் உள்ளவர்கள் பிறரோடு 15 நாட்களுக்குப் பழகக் கூடாது என்று தடை விதிக்கும் அறிவிப்பு அது. வீட்டுத் தலைவன் மனமுடைந்து போனார். ஒரு வாரம் கழித்து, Titanic கப்பல் கிளம்பிச் செல்வதைத் துறைமுகத்திலிருந்து பார்த்துக் கொண்டிருந்த அவருக்கு கோபம் உச்சத்திற்கு ஏறியது. தன் கடைசி மகனையும், அவனைக் கடித்த நாயையும், இப்படி நடக்கும்படி செய்துவிட்ட கடவுளையும் ஒவ்வொரு நாளும் சபித்தார்.
Titanic கப்பல் கிளம்பி ஐந்து நாட்கள் சென்று, அக்கப்பல் மூழ்கியச் செய்தி வந்தது. உடனே கிளார்க் வீட்டுக்கு ஓடிச்சென்று தன் கடைசி மகனைக் கட்டியணைத்து, முத்தமிட்டு, அழுதார். கடவுளிடம் மன்னிப்பு கேட்டார். சந்தர்ப்பம் கிடைத்திருந்தால், தன் மகனைக் கடித்த அந்த வெறி நாய்க்கும் அவர் ஒரு சிலை வடித்திருப்பார்.

நம்மில் எத்தனை பேர் எத்தனை முறை மாறுவேடத்தில் வந்த ஆசீர்வாதங்களைப் பெற்றுள்ளோம்? கடவுளின் கருணை ஒவ்வொருவர் வாழ்விலும் பல வடிவங்களில் வருகின்றது. பல நேரங்களில் மாறுவேடங்களிலும் வருகின்றது. வெள்ளமென பாய்ந்து வருகிறது. பேரருவி என கொட்டிக் கொண்டே இருக்கிறது. இந்த அருவிக்குக் கீழ் நமது மனம் எனும் பாத்திரத்தை வைத்தால், அது எத்தனை பெரிய பாத்திரமாய் இருந்தாலும் ஒரு நொடியில் நிறைந்து விடும். எனவே, வாழ்வின் ஒவ்வொரு நொடியிலும் நாம் "எனது பாத்திரம் நிரம்பி வழிகிறது" என்பதை மட்டுமே சொல்லமுடியும். இப்படி ஒரு நிறைவில், பூரிப்பில் நாம் சொல்லும்போது, அதனால் மேலும் பலனடையப்போவது நாமே!

இந்த நிகழ்ச்சியை வத்திக்கான் வானொலியின் தமிழ் ஒலிபரப்பில் கேட்டுப் பயன் பெறவும், உங்கள் கருத்துக்களைக் கூறவும் அழைக்கிறேன். வத்திக்கான் வானொலியின் இணையதள முகவரி:
http://www.vaticanradio.org/